ខេត្តពោធិ៍សាត់ ៖តាមរយៈការបើកដៃឲ្យក្រុមឈ្មួញរថយន្តដឹកទំនិញខ្នាតយក្សធ្វើចរាច រណ៍ ជារៀងរាល់ថ្ងៃយប់ បានដោយរលូន ដែលគេអះ អាងថាសុទ្ធតែបង់លុយមុនឲ្យមន្រ្តីស្ថានីយ៍ជញ្ជីងថ្លឹងរថយន្ត ផ្លូវជាតិ លេខ៥ ក្រុងពោធិ៍សាត់ គឺក្រុមមន្ត្រីអាចរកចំណូលលើតុ ក្រោមតុ សម្រាប់ចែកគ្នាដាក់ហោប៉ាវធ្វើមានបានយ៉ាងសុខស្រួល។
ប្រភពពីប្រជាពលរដ្ឋដែលធ្វើ ដំណើរឆ្លងកាត់ផ្លូវជាតិលេខ៥ ក្រុងពោធិ៍សាត់ បានធ្វើការរិះគន់ដល់មន្រ្តីដែលឈរជើងប្រចាំការនៅលើផ្លូវជាតិនេះថា មិនបានយកចិត្តទុក ដាក់នៅ ក្នុងការផាកពិន័យឬមានវិធានការផ្លូវច្បាប់ទៅលើរថយន្ត ដឹកល្មើសច្បាប់នោះទេ! ជារៀងរាល់ថ្ងៃយប់ គេតែងតែសង្កេត ឃើញតៃកុងឡានចុះបង់លុយ រួចបើកបន្តទៅមុខយ៉ាងរលូន ទោះបីដឹកផ្ទុកលើសទម្ងន់កំណត់ក៏ដោយ។ រីឯរថយន្តខ្លះទៀត គ្រាន់ តែវាយភ្លើងសញ្ញូ ជាសញ្ញា បក្សពួកគេខាងក្នុងស្ថានីយ៍ឲ្យដឹងរថយន្ត បន្តដំណើរមិន ឈប់ចូលជញ្ជីងថ្លឹងក៍បាន។
មជ្ឈដ្ឋានខាងក្រៅថា សកម្មភាពរបស់កម្លាំងចម្រុះ ក្រោមការគ្រប់គ្រងរបស់មន្ត្រីសាធារ ណការ និងដឹកជញ្ជូនមិនបានធ្វើការងារអ្វីក្រៅពីប្រមូលលុយពីរថយន្ត ដឹកដី ដឹកថ្ម ដឹកខ្សាច់ និងដឹកទំនិញគ្រប់ប្រភេទឆ្លងកាត់ស្ថានីយ៍ជញ្ជីងថ្លឹងរថយន្ត ក្រុងពោធិ៍សាត់ ផ្លូវជាតិលេខ៥ នោះទេ។
ប្រភពបានបន្តថា បើសិនលុយដែលបានមកពីការប្រមូលពីរថយន្តឆ្លងកាត់ស្ថានីយ៍ ជញ្ជីងថ្លឹងរថយន្ត ផ្លូវជាតិលេខ.៥ នេះចូលក្នុងថវិការដ្ឋមិនអីនោះទេ ប៉ុន្តែត្រូវបានគេសង្ស័យចូលក្នុងហោប៉ាវ ក្រុមមន្ត្រីពុក រលួយច្រើនជាង ដែលនាំឲ្យរដ្ឋបាត់បង់ចំណូល រាប់ម៉ឺនដុល្លារ នៅក្នុងមួយខែៗ។
តាមប្រភពច្បាស់ការណ៍បានបង្ហើបឲ្យដឹងថា ក្នុងមួយថ្ងៃៗប្រាក់ចំណូលពី រថយន្ត ដឹកទំនិញ ដឹកថ្ម ដឹកខ្សាច់ ដឹកដី ដែលឆ្លងកាត់ស្ថានីយ៍ជញ្ជីង ផ្លូវជាតិលេខ.៥ ក្រុងពោធិ៍ សាត់នេះបានបង់លុយជូនក្រុមមន្ត្រីដែលឈរជើងកន្លែងជញ្ជីងថ្លឹងមិនរំលងមួយគ្រឿងណាឡើយ ហើយប្រាក់ចំណូលពីការប្រមូលចូលទៅថវិការរដ្ឋបានមួយចំនួន និងមួយចំនួនចូលក្នុងហោប៉ាវបុគ្គលតែម្ដង។
ពាក់ព័ន្ធព័ត៌មានខាងលើ អង្គភាពគេហទំព័រ (www. enn-tv.com) មិនអាចសុំការពន្យល់ពីប្រធានមន្ទីរសាធារណការ និងដឹកជញ្ជូន ខេត្តពោធិ៍សាត់ លោក កាង ប៉េងហាក់ បាននៅឡើយទេ ព្រោះគ្មានលេខទូរស័ព្ទ។ប្រភពពីក្រុមឈ្មួញនឹងអាជីវករដឹកជញ្ជូនទំនិញឆ្លងកាត់ផ្លូវ ជាតិលេខ.៥ ក្នុងពោធិសាត់ បានស្នើសុំដល់លោក ប៉េង ពោធិ៍នា រដ្ឋមន្ត្រីក្រសួងសាធារណការនិង ដឹកជញ្ជូនក៏ដូចលោក សេង ឈួន មេជញ្ជីងថ្លឹងរថយន្ត ទូទាំងប្រទេស ពិនិត្យមើលទង្វើមិនប្រក្រតី និងអំពើពុករលួយ របស់លោក ឆាំ ហាវ ប្រធានស្ថានីយ៍ជញ្ជីងថ្លឹងរថយន្ត ផ្លូវជាតិលេខ.៥ ក្រុងពោធិ៍សាត់ នេះជាបន្ទាន់ផង។
ក្រុមឈ្មួញ និងអាជីវករ បានលើកឡើងថា ក្រុមមន្ត្រីប្រចាំការស្ថានីយ៍ជញ្ជីងថ្លឹងរថយន្ត ផ្លូវជាតិលេខ.៥ មិនអនុវត្តឲ្យ បានត្រឹមត្រូវ តាមបទដ្ឋានចេកទេស ដើម្បីទប់ស្កាត់ រថយន្តដឹកទំនិញលើសទម្ងន់ ដែលធ្វើឲ្យខូចផ្លូវ និងខូចស្ពាននោះ ផ្ទុយទៅវិញ លោក ឆាំ ហាវ ប្រធានស្ថានីយ៍ជញ្ជីងថ្លឹងរថយន្តប្រែក្លាយទៅជាជញ្ជីងថ្លឹងលុយ ដោយសារតែ អាងលោក កាង ប៉េងហាក់ ប្រធាន មន្ទីរ សាធារណការនិងដឹកជញ្ជូន ខេត្តពោធិ៍សាត់ ខ្នងបង្អែកយ៉ាងរឹងមាំ។
តាមប្រភពពីមន្ត្រីនៅក្នុងមន្ទីរសាធារណការ និងដឹកជញ្ជូន ខេត្តពោធិ៍សាត់ បានបង្ហើបឲ្យដឹងទៀតថា ដោយសារតែមានខ្នងបង្អែករឹងមាំ នៅក្រសួងសាធារណការ និងដឹកជញ្ជូនខេត្ត ទើបលោក កាង ប៉េងហាក់ អាចកាន់តំណែងដុះស្លែ ជាប្រធានមន្ទីរសាធារណការ និងដឹកជញ្ជូន ខេត្តពោធិ៍សាត់ បានយូរ ដោយពុំមានការផ្លាស់ប្ដូរឡើយបើទោះបីមានការផ្លាស់ប្តូរអភិបាលខេត្តគ្រប់ជំនាន់ក៍ដោយចំណែកលោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន រក្សាភាពស្ងៀម ស្ងាត់ផងដែរ ទោះបីមានរឿងអាស្រូវពុករលួយ របស់លោក កាង ប៉េងហាក់ ត្រូវបានលាត្រដាងជាបន្តបន្ទាប់យ៉ាងណាក៏ដោយ ហេតុនេះហើយបច្ចុប្បន្ន អង្គភាពមន្ទីរសាធារណការនិងដឹកជញ្ជូន ខេត្តពោធិ៍សាត់ ស្ទើរក្លាយទៅជាក្រុមហ៊ុន រកស៊ីផ្តាច់មុខ របស់លោក កាង ប៉េងហាក់ និងមន្ត្រីជុំនិតៗ របស់ខ្លួនទៅហើយ។ទន្ទឹមទៅនេះករណីលោក ឆាំ ហាវ ប្រធានស្ថានីយ៍ជញ្ជីងថ្លឹងរថយន្ត ក្រុងពោធិ៍សាត់ ប្រែក្លាយទៅជាជញ្ជីងថ្លឹងលុយ តាមអំពើចិត្ត ក៏ជាប្រភពចំណូលដ៏សំខាន់របស់លោក កាង ប៉េងហាក់ ផងដែរ បើសិនគ្មានការបើកដៃពីសំណាក់លោក កាង ប៉េងហាក់ ទេនោះ គឺលោក ឆាំ ហាវ ប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ.៥ ក្រុងពោធិ៍ សាត់ ក៏មិនអាចហ៊ានប្រែក្លាយជញ្ជីងថ្លឹងលុយទាំងយប់ទាំងថ្ងៃ តាមអំពើចិត្តបានឡើយ។
ប្រភពពីក្រុមឈ្មួញនិងអាជីវករបានឲ្យដឹងថា ទោះបីពួកគេដឹកជញ្ជូនទំនិញផ្ទុកមិនលើស ទម្ងន់ ក៏ត្រូវបង់លុយ ទៅតាមការកំណត់ របស់លោក ឆាំ ហាវ ប្រធានស្ថានីយ៍ជញ្ជីងថ្លឹងរថយន្ត ក្រុងពោធិ៍សាត់ គឺមិនអាចតវ៉ាបានទេ រីឯរថយន្តធំៗ ដឹកជញ្ជូនទំនិញដឹកជញ្ជូនខ្សាច់.គ្រោះ.ថ្ម លើសទម្ងន់ អាចបើក បរឆ្លងកាត់មុខស្ថានីយ៍ជញ្ជីងថ្លឹងរថយន្ត បានយ៉ាងរលូន មិនបាច់ចូលថ្លឹងឡើយ ឲ្យតែម្ចាស់រថយន្ត ទាំងអស់ នោះបង់លុយតាមការកំណត់ របស់លោក ឆាំ ហាវ និងបក្សពួក ជាការស្រេច។ហេតុនេះហើយ លោក ប៉េង ពោធិ៍នា រដ្ឋមន្ត្រីក្រសួងសាធារណការ និង ដឹកជញ្ជូន មិនគួរមើលរំលង តទៅទៀតនោះទេ ព្រោះអំពើពុករលួយ របស់លោក កាង ប៉េងហាក់ និងលោក ឆាំ ហាវ មិនអាចបិទបាំងបានឡើយ៕មានត
