ខេត្តតាកែវ ៖ ល្បែងស៊ីជល់មាន់បៀអាប៉ោងដែលគេស្គាល់ឈ្មោះចាលោកម៉ាប់ដែលត្រូវជាក្មួយផ្សារបស់សម្ដេចតេជោហ៊ុនសែននាយករដ្ឋមន្ត្រីពិតជាមិនធម្មតាទេ!សូម្បីតែអភិបាលនិងស្នងការខេត្តមិនហ៊ានក្អកផង នៅគ្រាដែលទីតាំងល្បែងបញ្ជល់មាន់បៀអាប៉ោងជាច្រើនកន្លែង បើកដំណើរការ មិនបានមួយដង្ហើមចង្រិតផង ត្រូវ បានបង្ក្រាបពីរសមត្ថកិច្ចមូលដ្ឋាន និងអាជ្ញាខេត្តតែដោយឡែកទីតាំងសង្វៀនបញ្ជល់មាន់ បៀអាប៉ោងនៅភូមិឃុំខាងលើសមត្ថកិច្ចមិនហ៊ានទេពិព្រោះគាត់ក្មួយសម្ដេច។ ឈ្មោះលោក ម៉ាប់ នេះវិញ ដើរបង្កើតសង្វៀនជល់មាន់បៀអាប៉ោងជាច្រើនកន្លែងទៀតផង។
ជារៀងរាល់ថ្ងៃគេសង្កេតឃើញអ្នកញៀនល្បែងហោទ្រហឹងរំពងធ្វើឲ្យរំខានដល់ប្រជាពលរដ្ឋ។ ប្រជាពលរដ្ឋសំណូមពរដល់លោកអភិបាលស្រុកបាទី និងអធិការនគរបាលស្រុកបាទី ចាត់វិធានការបង្ក្រាបប៉ន្តែមិនហ៊ានទេ។ សូម្បីតែលោក ឡាយ វណ្ណៈ អភិបាលខេត្តតាកែវ និងលោក សុខ សំណាង ស្នងការនគរបាលខេត្តតាកែវ ក៏មិនហ៊ានចាត់វិធានការបង្ក្រាប សង្វៀនបញ្ជល់មាន់បៀអាប៉ោបើកលេងយូរមកហើយបើកលេងម៉ាសប្បាយ ព្រោះម្ចាស់សង្វៀនបញ្ជល់មាន់អាប៉ោងបៀ់ នោះជាសាច់ញាតិ មេដឹកនាំកំពូល ដែលគ្មាននរណាហ៊ានតតាំងនោះឡើយ អ៊ីទើបអ្នកភូមិហៅ ថាតាម៉ាប់ មាន់ជល់ មានបារមីខ្លាំង ជាងចៅហ្វាយខេត្តតាកែវឋទៀតផង។
ប្រជាពលរដ្ឋនៅភូមិត្រពាំងលើ ឃុំកណ្ដឹង ស្រុកបាទី ខេត្តតាកែវ បានឲ្យដឹងថាសង្វៀនបញ្ជល់មាន់ដ៏ធំ ក្នុងមូលដ្ឋានពួកគាត់កំពុងបង្កបញ្ហាច្រើនយ៉ាង ជាពិសេសអំពើចោរកម្ម អំពើហិង្សាក្នុងគ្រួសារ និងបទល្មើសផ្សេងៗ ជាច្រើនទៀតផងដែរ។
តាមប្រភពពីសមត្ថកិច្ច និងមន្ត្រីអាជ្ញាធរមូលដ្ឋាន ឃុំកណ្ដឹង ស្រុកបាទី ខេត្តតាកែវ បានឲ្យដឹងថាសង្វៀនបញ្ជល់មាន់ដ៏ធំនោះ ជាសាច់ញតិរបស់ថ្នាក់ដឹកនាំកំពូល។ កន្លងមកសមត្ថកិច្ចចម្រុះ ធ្លាប់ចុះទៅណែនាំ ឲ្យម្ចាស់សង្វៀនបញ្ជល់មាន់បៀអាប៉ោងនោះបិទដំណើរការ ទេ។ ប៉ុន្តែជាក់ស្ដែង សង្វៀនបញ្ជល់មាន់បៀអាប៉ោងនោះ នៅតែដំណើរការយ៉ាងរលូន ដូចមុនដដែល ព្រោះសមត្ថកិច្ចនិងមន្ត្រីអាជ្ញាធរមូលដ្ឋាន សម្ងំយកសុខរៀងៗខ្លួន។ ហេតុនេះហើយ ទើបមានការអំពាវនាវ ឲ្យថ្នាក់ដឹកនាំក្រសួងមហាផ្ទៃ ក៏ដូចជានាយឧត្តមសេនីយ៍ នេត សាវឿន អគ្គស្នងការនគរបាលជាតិ ចាត់វិធានការបង្ក្រាប សង្វៀនបញ្ជល់មាន់បៀ់អាប៉ោង នៅឃុំកណ្ដឹង ស្រុកបាទី ជាបន្ទាន់ ដើម្បីពង្រឹងសន្តិសុខសង្គម ឲ្យសមស្របទៅតាមគោលនយោបាយភូមិ-ឃុំ មានសុវត្ថិភាពទាំង៩ចំណុច..?៕
