ខេត្តតាកែវ ៖ ប្រភពពីក្រុមអាជីវករតូចតាច រកសុីដឹកជញ្ជូនទំនិញចេញពីប្រទេសវៀត ណាម តាមច្រកទ្វារព្រំដែនអន្តរជាតិភ្នំដិន ស្រុកគីរីវង់ បានអោយដឹងថា មេគយច្រកទ្វារព្រំដែនអន្តរជាតិភ្នំដិន ស្រុកគិរីវង់ ខេត្តតាកែវ ឡើងកាន់តំណែងថ្មី កំពុងត្រូវប៉ាន់និងទំនិញគេចពន្ធ.ទំនិញបង់ពន្ធមិនគ្រប់និងទំនិញខុសច្បាប់ទំនិញខូចគុណភាពដែលឈ្មួញដឹកចេញពីប្រទេសវៀតណាម ចូល មកប្រទេសខ្មែរ តាមច្រកទ្វារព្រំដែនអន្តរជាតិភ្នំដិន និងច្រករបៀងផ្សេងៗមួយចំនួនទៀតនៃខ្សែរក្រវ៉ាត់ ព្រំដែនខេត្តតាកែវ ដោយសារអាងខ្នងបង្អែកនៅពីក្រោយចាំជួយបិទបាំងនូវភាពមិនប្រក្រតីប្រព្រឹត្តរបៀបពុករលួយរបស់ខ្លួនទើបមេគយច្រកទ្វារអន្តរជាតិភ្នំដិនរូបនេះហ៊ានធ្វេីអ្វីៗតាមអំពេីចិត្ត។ហើយបើគ្មានការបេីកភ្លេីងខៀវពីសំណាក់មេគយៗធំខាងលើនោះទេ!ម្លះមេគយច្រកទ្វារព្រំដែនអន្តរជាតិភ្នំដិន មិនអាចធ្វើអ្វីៗតាមអំពើចិត្តបានឡើយ ចំណែកមេសាខាគយនិងរដ្ឋាករខេត្តតាកែវ រក្សាភាពស្ងៀមស្ងាត់ បណ្ដោយអោយមេការិយាល័យគយច្រកទ្វារអន្តរជាតិភ្នំដិនឡើងកាន់តំណែងថ្មីហ៊ានធ្វើអ្វីៗតាមអំពើចិត្តមិនញញើតអង្គភាពប្រឆាំងអំពើពុករលួយឡើយ។
ប្រភពក្រុមឈ្មួញនិងអាជីវករនាំចូលទំនិញនឹងបន្លែផ្លែឈើចេញពីប្រទេសវៀតណាម ចូលមកប្រទេសកម្ពុជា តាមច្រកទ្វារព្រំដែនអន្តរជាតិភ្នំដិន បានបង្ហេីបអោយដឹងថា បើទោះបីពួកគាត់នាំចូលទំនិញបង់ពន្ធត្រឹមត្រូវរួចរាល់ហើយក៏ដោយចៀសមិនផុតពីការបង់ លុយលើតុ ក្រោមតុ តាមការកំណត់របស់លោកមេគយ ច្រកមួយនេះមិនអាចរំលងបាន។
យោងតាមប្រភពពីមន្ត្រីសមត្ថកិច្ចផ្សេងប្រចាំច្រកទ្វារព្រំដែនអន្តរជាតិភ្នំដិន ស្រុកគីរីវង់ ខេត្តតាកែវ បានអោយដឹងទៀតថា ចាប់តាំងពីបានឡើងកាន់តំណែងថ្មី ជាមេការិយា ល័យគយច្រកទ្វារព្រំដែនអន្តរជាតិភ្នំដិន កាលថ្មីៗកន្លងមកបានប្រើតួនាទី អំណាច ប្រមូលសេដ្ឋកិច្ចស្រង់ដើម តាមរបៀបពុករលួយ ដោយគ្មានញញើតអង្គភាពប្រឆាំងអំពើពុករលួយអ្វីទាំងអស់។និងបើកដៃអោយក្រុមឈ្មួញធំៗ សម្រុកដឹកជញ្ជូនទំនិញគេចពន្ធ.ទំនិញបង់ពន្ធមិនគ្រប់ និងទំនិញខុសច្បាប់ជាច្រើនប្រភេទចេញពីប្រទេសវៀត ណាមចូលមកប្រទេសកម្ពុជា តាមច្រកទ្វារព្រំដែនអន្តរជាតិភ្នំដិន និងច្រករបៀងមួយចំនួនទៀតនៃខ្សែរក្រវ៉ាត់ព្រំដែនខេត្តតាកែវ គឺជាប្រភពចំណូលដ៏សំខាន់របស់លោកមេគយច្រកទ្វារព្រំដែនអន្តរជាតិភ្នំដិន ដែលមានខ្នងបង្អែករឹងមាំ នៅពីក្រោយទេីបគ្មានអ្នកណាហ៊ានមកប៉ះពាល់នឹង ទុក្ខឲ្យក្ដោបសេដ្ឋិកិច្ចម្នាក់ឯងស្រង់ដើមធ្វើមានធ្វើ បានយ៉ាងសុខស្រួល។
ទន្ទឹមនឹងនេះឈ្មួញដែលនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ ចេញពីប្រទេសវៀតណាម ចូលមកប្រទេសកម្ពុជា តាមច្រកទ្វារព្រំដែនអន្តរជាតិភ្នំដិន មានដូចជា៖(មាន់ ត្រី សាច់ បន្លែ ផ្លែ ឈើ ដូង សាវម៉ាវ…គ្រឿងកំប៉ុងភេសជ្ជៈ) ទំនិញផ្សេងៗច្រើនប្រភេទទៀត ក៏ជាប្រភពចំណូល ដ៍ធំរបស់លោក មេគយ ដ៍មហិមា កំពុងតែល្បីល្បាញខាងប្រព្រឹត្តរបៀបអំពើ ពុករលួយ យ៉ាងពេញបន្ទុក ប្រចាំច្រកទ្វារព្រំដែនអន្តរជាតិភ្នំដិន ។
ហេតុនេះហើយទើបក្រុមអាជីវករតូចតាចរកស៊ីដឹកជញ្ជូនទំនិញបន្តិបន្ទួចចេញចូលតាមច្រកមួយនេះសូមសំណូមពរទៅដល់លោក អូន ព័ន្ធមុន្នីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ. លោក គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា រួមនិងលោក វ៉ី សំណាង អភិបាល ខេត្តតាកែវ មេត្តាពិនិត្យឡើងវិញខ្លះផង!ជាពិសេសលោក ឱម យុិនទៀង ប្រធានអង្គភាពប្រឆាំងអំពើពុករលួយ គួរចាត់មន្រ្តីជំនាញក្រោមឱវាទចុះស្រាវជ្រាវភាពមិនប្រក្រតីប្រព្រឹត្តរបៀបអំពើពុករលួយរបស់មេគយច្រកទ្វារអន្តរជាតិភ្នំដិន និងបក្សពួកឃុបឃិតគ្នាជាប្រព័ន្ធបើកភ្លើងខៀវអោយឈ្មួញធំៗសម្រុកដឹកជញ្ជូនទំនិញគេចពន្ធទំនិញបង់ពន្ធមិនគ្រប់និងទំនិញខុសច្បាប់ចេញពីប្រទេសវៀតណាមចូលមកប្រទេសកម្ពុជាតាមច្រកទ្វារព្រំដែនអន្តរជាតិភ្នំដិន និងច្រករបៀងមួយចំនួនទៀតនៃខ្សែរក្រវ៉ាត់ព្រំដែនខេត្តតាកែវ យ៉ាងពេញបន្ទុកមិនញញើតអង្គភាពប្រឆាំងអំពើពុករលួយអ្វីទាំងអស់។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោកមេការិយាល័យគយច្រទ្វារព្រំដែនអន្តរជាតិភ្នំដិន រាល់ម៉ោងធ្វើការ៕មានត
