សេចក្ដីរាយការណ៍ ពីប្រជាពលរដ្ឋនៅក្នុងស្រុកស្នួល ខេត្តក្រចេះ បានឲ្យដឹងថា មកដល់ពេលនេះ មន្ត្រីយោធាឈ្មោះ ហ៊ត់ ប៊ុនគីម មេបញ្ជាការយោធា.(គ ៣)នៃវរការពារព្រំដែនលេខ ២០៤ នៅតែបន្តប្រមូល ទិញឈើ និងដឹកជញ្ជូន ឈើចេញពីចំណុចប៉ោដើមចេក ( កា៣ )ស្រុកស្នួល ខេត្តក្រចេះ ចូល ទៅស្រុកយួនយ៉ាងរលូន។ សកម្មភាពលើកឈើ ដាក់រថយន្តយីឌុបខ្នាតយក្ស ជាច្រើនគ្រឿងនៅចំណុចប៉ោដើមចេក( កា៣ )ស្រុកស្នួល ខេត្តក្រចេះ ហើយត្រូវគេដឹងថាជាឈើរបស់មេឈ្មួញ ហ៊ត់ ប៊ុនគីម ដែលជាមេបញ្ជាការយោធា(គ៣)។ ក្នុងពេលធ្វើសកម្មភាពលើកឈើដាក់រថយន្តនោះ មានទាហានចំនួន៤នាក់ប្រដាប់ដោយកាំភ្លើងគ្រប់ដៃឈរយាមកាមកន្លែងលើកឈើមិនឲ្យមន្ត្រីជំនាញឬសមត្ថកិច្ចពាក់ព័ន្ធណាទៅជិតបានឡើយក្នុងនោះអ្នកកាងបទល្មើសនិងជួយការពារមានដូចជាប៉ូលីសសេដ្ធកិច្ចនិងប៉េអឹម(pm)ផ្ទៃប្រទេសនិងអ្នកកាសែត២នាក់ជាអ្នករត់ការនិងមើលផ្លូវឲ្យផងដែរ។
មន្ត្រីយោធានៅអង្គភាព(គ៣) ចំណុះវរការពារព្រំដែនលេខ២០៤ បានឲ្យដឹងថា សកម្មភាពលើកឈើដាក់រថយន្តយីឌុបធំៗបានធ្វើឡើងជារៀងរាលើថ្ងៃ ហើយរថយន្តទាំងនោះត្រូវបានគេដឹងថាជារបស់ឈ្មួញជនជាតិយួនដែលមកទទួលទិញឈើពីមេឈ្មួញ ហ៊ត់ ប៊ុនគីម ដល់ទឹកដីខ្មែរតែម្តង។ ជារៀងរាល់ថ្ងៃរថយន្តយីឌុបជាច្រើនគ្រឿងមិនតែប៉ុណ្ណុះមានទាំងរថន្តសាំយា់ុងជាច្រើនគ្រឿងទៀតបានចូលមកដឹកជញ្ជូនឈើចេញពីទីតាំងក្រុមហ៊ុន9999ខាងលើ ហើយឈើទាំងនោះត្រូវគេដឹកចេញទៅស្រុកយួនតាមច្រករបៀងត្រពាំងក្រញូងច្រករបៀងដេ១៦ចេញទៅស្រុកយួនដោយសេរី។ មន្ត្រីយោធាក្នុងអង្គភាព(គ៣) បានបញ្ជាក់ថាមេឈ្មួញ ហ៊ត់ ប៊ុនគីម កំពុងសម្រុកដឹកឈើពី៧ទៅ៨រថយន្តយីឌុបធំៗនិងរថយន្តសាំយ៉ុងច្រើនដឹកចេញទៅស្រុកយួនតាមច្រករបៀងជ័យឃ្លាំងឬច្រករបៀងដេ១៦ដោយគ្មានមន្ត្រីរដ្ឋបាលព្រៃឈើនិងសមត្ថកិច្ចពាក់ព័ន្ធណាហ៊ានប៉ះពាល់រឺមករំខាននោះឡើយ។
ប្រភពពីមន្ត្រីអាជ្ញាធរមូលដ្ឋានបានឲ្យដឹងថា មន្ត្រីរដ្ឋបាលព្រៃឈើនិងសមត្ថកិច្ចដទៃទៀត កំពុងឃុបឃិតជួយបិទបាំងសកម្មភាពដឹកជញ្ជូនឈើចេញទៅស្រុកយួនរបស់មេឈ្មួញ ហ៊ត់ ប៊ុនគីម ដែលជាមេបញ្ជា្កការយោធាអង្គភាពកងអនុសេនាធំលេខ៣(គ៣) ដោយក្នុងមួយរថយន្តមេឈ្មួញ ហ៊ត់ ប៊ុនគីម ចំណាយពី១០០០ដុល្លារទៅ២០០០ដុល្លារដើម្បីអាចដឹកឈើទៅដល់គោលដៅ។ ដូច្នេះហើយទើបមេឈ្មួញ ហ៊ត់ ប៊ុនគីម អាចប្រមូលទិញឈើពីឈ្មួញតូចតាចមួយចំនួនយកទៅស្តុកទុកនៅចំណុចប៉ោដើមចេក( កា៣ )ហើយដឹកជញ្ជូនចេញទៅស្រុកយួនតាមរថយន្តយរក្សាភាពស្ងៀមស្ងាត់ដើម្បីជាថ្នូរនឹងផលប្រយោជន៍ទើបមិនបង្ក្រាប។
ទាក់ទិនព័ត៏មានខាងលើអ្នកព័ត៏មានយើងមិនអាចសុំការពន្យលពីរខាងជំនាញពាក់ពន្ធ័បានឡើយ។
