បន្ទាយមានជ័យ៖ កាលពីកន្លងទៅលោកឧត្តមសេនីយ៍ត្រី អុី ចំរើន នាយប៉ុស្តិ៍នគរ បាលអន្តោប្រវេសន៍ច្រកទ្វារអន្តរជាតិប៉ោយប៉ែត បានដាក់បទបញ្ជាយ៉ាងមុឺងម៉ាត់ ដល់មន្ត្រីក្រោមឱវាទ អោយរៀបចំសណ្តាប់ធ្នាប់អោយបានល្អប្រសើរ កុំឱ្យមានភាពរញ៉េរញ៉ៃ ត្រូវហាមឃាត់អ្នករត់ម៉ូតូឌុប និងអ្នករត់ម៉ូតូ (pass app) មិនឱ្យមកចាប់ភ្ញៀវនៅ មុខច្រកទ្វារអន្តរជាតិប៉ោយប៉ែតទៀតនោះទេ ដើម្បីកុំឱ្យមានការកកស្ទះដល់ភ្ញៀវជាតិ ភ្ញៀវអន្តរជាតិដែលធ្វើដំណើរទេសចរណ៍ឆ្លងកាត់នៅទីនោះនិងលើកមុខមាត់ប្រទេសជាតិ។
ការដាក់បទបញ្ជារបស់លោកឧត្តមសេនីយ៍ ត្រី អុី ចំរើន គឺមិនអោយក្រុមម៉ូតូមកចាប់ភ្ញៀវនៅមុខច្រកទ្វារបានទៀតទេ គឺតម្រូវឱ្យនៅចាំទទួលភ្ញៀវនៅចំណុចរង្វង់មូល ដើម្បីកុំឱ្យមានការកកស្ទះ និងភាពរញ៉េរញ៉ៃនៅមាត់ច្រក ។
ប៉ុន្តែការដាក់បទបញ្ជាររបស់លោកឧត្តមសេនីយ៍ត្រី អុី ចំរើន នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិប៉ោយប៉ែតហាក់បីដូចជាគ្មានប្រសិទ្ធភាពទាល់តែសោះ ព្រោះតែការប្រមូលលុយដាក់ខែចូលហោប៉ៅតាមរយៈលោក (ឃួន ឬទ្ធិ) ពីរត់ម៉ូតូឌុប និងរត់ម៉ូតូ (pass app) ជាប្រចាំខែ ទើបមិនខ្វាយខ្វល់ពីមុខមាត់ច្រកទ្វារអន្តរជាតិប៉ោយប៉ែត និងបទបញ្ជាលោកឧត្តមសេនីយ៍ត្រី អុី ចំរើន ឡើយ។បន្ទាប់ពីឃើញទិដ្ឋិភាពបែបនេះប្រជាពលរដ្ឋបានលើកឡើងថា ប្រហែល បទបញ្ជារបស់មេ មិនធំជាងលុយនោះទេ!ឬមួយមិចភ្នែកប៉ោយដៃ បានជាមន្រ្តីក្រោមឱវាទរូបនេះហ៊ានអនុវត្តន៍ផ្ទុយ មិនព្រមអនុវត្តតាមបទបញ្ជានោះ? ។
បើតាមប្រភពពីការរៀបរាប់របស់ក្រុមអ្នករត់ម៉ូតូឌុប និងអ្នករត់ម៉ូតូ(pass app)បានអោយដឹងថា មូលហេតុដែលគាត់បានចូល មកដឹកភ្ញៀវនៅក្នុងមុខច្រកទ្វារនេះបានដោយរលូននោះ គឺដោយសារការតម្រូវឱ្យពួកគាត់បង់លុយជាប្រចាំខែ ចំនួន១នាក់ (ម៉ូតូ១ គ្រឿង)ចំនួន២៥០០បាត (ពីរពាន់ បាត) ទៅ៣០០០បាត (បីពាន់បាត) ក្នុងមួយខែៗ រឺមានលើសពីនេះ។ មានទាំងក្រុមអ្នករត់ម៉ូតូឌុប (VlP) 5000បាត (ប្រាំពាន់ បាត) ទៅ6000បាត (ប្រាំមួយពាន់បាត) រត់ដោយសេរីទៅ ឱ្យលោកវរសេនីយ៍ឯក( ឃួន ឬទ្ធិ)ប្រចាំច្រកទ្វារអន្តរជាតិប៉ោយប៉ែត ទើបបានឱ្យម៉ូតូចូលដឹកភ្ញៀវបាន ។
ដូចនេះហើយបានជាក្រុមអ្នករត់ម៉ូតូទាំងនោះ មិនខ្លាច ញញើតអ្វីទាំងអស់ដោយសារ តែមានការបង់លុយជាប្រចាំខែ ទើបបានហ៊ានចូលមកចាប់ម៉ូយនឹងចតចាំភ្ញៀវនៅមុខច្រកអន្តរជាតិប៉ោយប៉ែត យ៉ាងអនាធិបតេយ្យដោយមិនខ្លាចបទបញ្ជាលោកឧត្តសេនីយ៍ត្រី អុី ចំរើន នោះឡើយ ។
ប្រជាពលរដ្ឋក៏មានការត្អូញត្អែរពីអ្នករត់ម៉ូតូ ឌុប នឹងអ្នករត់ម៉ូតូ(pass app)គឺមានការឡើងថ្លៃខ្លាំង នេះក៏ដោយសារក្រុមម៉ូតូត្រូវចំណាយលុយដាក់ខែ ជាប្រចាំខែ ទៅឱ្យលោក វរសេនីយ៍ឯក ឃួន ឬទ្ធិ ទើបបែបនេះថាតើលោកឧត្តមសេនីយ៍ត្រី អុី ចំរើន មានជ្រាបដែរឬទេ ។
ហេតុនេះហើយទើបក្រុមអ្នករត់ម៉ូតូឌុបនិងអ្នករត់ម៉ូតូ(pass app)ស្នើសុំដល់ឯកឧត្តម សុខ វាសនា អគ្គនាយកនៃអគនាយកដ្ឋានអន្តោប្រវេសន៍ នៃក្រសួងមហាផ្ទៃ មេត្តាចុះពិនិត្យមន្រ្តីច្រកទ្វារអន្តរជាតិប៉ោយប៉ែតដាក់ ខែពីអ្នករត់ក្រុមម៉ូតូ និងអ្នករត់ម៉ូតូ(pass app)មានភាពរញ៉ែរញ៉ៃនៅមុខច្រកទ្វារអន្តរជាតិប៉ោយប៉ែត ធ្វើឱ្យប៉ះពាល់ដល់មុខមាត់ប្រទេសជាតិ ដោយសារមន្ត្រីមួយក្តាប់តូចទាំងនោះហើយទាន ។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវពន្យល់បកស្រាយពីលោកវរសេនីយ៍ឯក ឃួន ឬទ្ធិ នគរ បាលប្រចាំច្រកទ្វារអន្តរជាតិប៉ោយប៉ែត ក្រោមការគ្រប់គ្រងលោកឧត្តមសេនីយ៍ត្រី អុី ចំរើន រាល់ម៉ោងធ្វើការ៕មានត
