រតនគិរី៖ ថ្មីៗនេះមានសេចក្តីរាយការណ៍ពីស្រុកអណ្ដូងមាសអោយដឹងថា អំពីករណី ជីកកកាយរករ៉ែត្បូង យ៉ាងគគ្រឹកគគ្រេងស្ថិតនៅក្នុងភូមិការណាត ឃុំតាឡាវ អណ្តូងមាស ខេត្តរតនគិរី។ មន្ត្រីអាជ្ញាធរមូលដ្ឋាន ស្រុកអណ្ដូងមាស និងស្ថាប័នជំនាញស្លៀកពាក់ ឯកសណ្ឋានជាមន្ត្រី នៃមន្ទីររ៉ែនិងថាមពលខេត្តរតនគិរី ត្រូវប្រជាពលរដ្ឋអះអាងថា បានចុះមើលសកម្មភាពរុករករ៉ែត្បូងនោះស្ទើរជារៀងរាល់ថ្ងៃ ប៉ុន្តែគ្មានវិធានការបង្ក្រាបព្រោះខ្លាចបុណ្យស័កលោកឧកញ៉ាម្នាក់ដែលជាម្ចាស់ក្រុមហ៊ុន។ មន្ត្រីដែលចុះទៅមើលដំណើរការរណ្ដៅរ៉ែត្បូងទាំងនោះមិនធានាចំពោះបញ្ហាប្រឈមតាមផ្លូវច្បាប់ទេ ប្រសិន បើថ្នាក់ដឹកនាំខេត្តឬ មន្ទីរចាត់វិធានការណា មួយ។
ប្រភពពីអ្នកភូមិបាននិយាយថា ពេលនេះមានករណីជីកយករ៉ែត្បូងយ៉ាងគគ្រឹក គគ្រេងភូមិការណាត ឃុំតាឡាវ ស្រុកអណ្តូងមាស ខេត្តរតនគិរី សកម្មភាពជីករុករករ៉ែត្បូង ចាប់ផ្ដើមកាល ពីចុងខែមេសាកន្លងទៅរហូតមក ដល់ពេលនេះគេមិនទាន់ឃើញក្រុមមន្ត្រី អាជ្ញាធរ ឬស្ថាប័នជំនាញចុះមកសាកសួរ ឬមានវិធានការទប់ស្កាត់ឡើយទេ គេសង្កេតឃើញមានស្ថាប័នមន្ត្រីជំនាញ ចុះទៅអើតឈ្ងោកៗរបៀបលាក់លៀមដោយបង្គាប់ យកលុយ ពីម្ចាស់ធ្វើអាជីវកម្មជីករ៉ែត្បូងរួចត្រឡប់មកវិញស្ងាត់ឈឹង។ ជាមួយនេះក៏មានមន្ត្រីអាជ្ញាធរមូលដ្ឋានឃុំនិងស្រុកទៅ សុំលុយម្ចាស់អាជីវកម្មរុករ៉ែត្បូង។
ប្រភពបានរាយការណ៍ឲ្យដឹងទៀតថា សកម្មភាពរបស់អ្នកជីករ៉ែត្បូងទាំងនោះមិនអត់ប្រយោជន៍ទេ ពីព្រោះមានក្រុមអ្នកឈរចាំទិញនៅមាត់រណ្ដៅដោយសារតែមានអ្នកឈរចាំទិញ នៅតាមមាត់រណ្ដៅនោះហើយ ទើបសកម្មភាពជីករុក រករ៉ែត្បូងកំពុងធ្វើឡើងយ៉ាង សកម្មយ៉ាងមមាញឹក។
ប្រភពបានបន្ថែមទៀតថា មានកុងសែឈរចាំទិញត្បូងដែល គេជីកបានភ្លាមៗដើម្បី យកទៅឲ្យឧកញ៉ាម្នាក់ទៀត ដែលមិនត្រូវបានគេប្រាប់ឈ្មោះទេ ។ បើតាមអ្នកភូមិនៅទីនោះប្រាប់ថា មានការរៀបចំរចនាសម្ព័ន្ធ ត្រឹម ត្រូវនៅក្នុងការជីករុករករ៉ែត្បូងនៅទីនោះ។សកម្មភាពជីកកកាយរកត្បូង នៅក្នុងតំបន់ខាង លើនេះធ្លាប់កើតជាញឹកញាប់ ហើយក៏ធ្លាប់ធ្លាយរឿង អាស្រូវពាក់ព័ន្ធនឹងមន្ត្រីរបស់លោក អ៊ុង ហួរ ប្រធានមន្ទីរ រ៉ែនិងថាមពលខេត្តរតនគិរីនោះផងដែរ។យ៉ាងណាក៏ដោយគេរំពឹងថា ដំណើរការជីកកកាយរក រ៉ែត្បូង លើកនេះប្រព្រឹត្តទៅដោយរលូន ពី ព្រោះមានឧកញ៉ាម្នាក់ ដែលគេសង្ស័យថា ជាអ្នកវិនិយោគជាមួយប្រជាពលរដ្ឋនៅក្នុងតំបន់នោះហើយទើបសកម្មភាពជីកកកាយប្រព្រឹត្តទៅដោយសុខសុវត្ថិភាពដែលមើល ទៅហាក់ដូចជា គ្មានមន្ត្រីណាខ្វល់ខ្វាយនិងចុះទៅត្រួតពិនិត្យ ទប់ស្កាត់និងបង្រ្កាបនោះឡើយ។បឋម
