ខេត្តកណ្តាល៖ តាមប្រភពរាយការណ៍ពីប្រជាពលរដ្ឋរស់នៅភូមិត្រាញ់បានអោយដឹងថា មានបើកសង្វៀនជល់មាន់និងអាប៉ោងខុសច្បាប់ មួយកន្លែង នៅចំណុចចិញ្ចឹមត្រចៀកកាំ ស្ថិតនៅភូមិត្រាញ់ ឃុំរកា ស្រុកកណ្ដាលស្ទឹង ខេត្តកណ្តាល បើកដំណើរការអោយក្រុមញៀនល្បែងលេងយ៉ាងគគ្រឹកគគ្រេង រីឯអាជ្ញាធរនិងសមត្ថកិច្ចមូលដ្ឋាន រក្សាភាពស្ងៀមស្ងាត់ មិនឃើញទាន់ចាត់កម្លាំងជំនាញទៅទប់ស្កាត់និងបង្រ្កាបនៅឡើយទេ!ឬមិនទាន់ជ្រាប? ។
បើតាមប្រភពពីប្រជាពលរដ្ឋបានបង្ហើបថា ទីតាំងសង្វៀនជល់មាន់និងអាប៉ោងខុសច្បាប់ មួយកន្លែងស្ថិតនៅក្នុង ឃុំរកា ស្រុកកណ្ដាលស្ទឹង កំពុងតែបើកដំណើរការអោយក្រុមញៀនល្បែងលេងយ៉ាងពេញបន្ទុកហើយបើកលេងរាល់ថ្ងៃតែម្តង គេមិនដែលឃើញ អាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋានចុះទប់ស្កាត់និងបង្រ្កាបនោះទេ! ធ្វើអោយពលរដ្ឋគេដាក់សង្ស័យថា ទីតាំងបនល្បែងមួយកន្លែងនេះជាឆ្នាំងបាយ របស់អាជ្ញាធរនិងសមត្ថកិច្ចមូលដ្ឋានទាំងអស់នោះផងក៏មិនដឹង?។
ប្រភពបន្តអោយដឹងទៀតថា សង្វៀនជល់មាន់និងអាប៉ោងខុសច្បាប់ មួយកន្លែងដែលមានទីតាំងខាងលើ នៅតែបន្តបើកអោយក្រុមញៀនល្បែងចូលលេងភ្នាល់ដាក់លុយ ចាញ់ឈ្នះ រាប់លានរៀល រាប់ពាន់ដុល្លារ ឯណ្ណោះ ហើយនាំគ្នាស្រែកហ៊ោ កញ្ជ្រៀវ យ៉ាងសប្បាយ បង្កការភ្ញាក់ផ្អើដល់ប្រជាពលរដ្ឋរស់នៅក្បែរៗនោះ មានការភ័យខ្លាច និងព្រួយ បារម្ភបញ្ហា អសន្តិសុខ សង្គមនិងអំពើចោរកម្ម.ចោរលួច. ចោរឆក់. ចោរប្លន់. ចោរគាស់ផ្ទះ គ្រឿងញៀននិងប្រើអំពើហិង្សាគ្រួសារដើមចមកើតចេញពីល្បែងសុីសងនេះឯង។
ប្រជាពលរដ្ឋក្នុងមូលដ្ឋានលើក ឡើងថា ឯណាទៅគោលនយោបាយ ភូមិ.ឃុំ. សង្កាត់.មានសុវត្ថិភាពទាំង៧ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃ ដើម្បីដាក់អោយមន្ត្រីថ្នាក់ក្រោមជាតិ អនុវត្តទប់ស្កាត់និងបង្ក្រាបបនល្បែងមានប្រសិទ្ធដែរឬ?។
ដូច្នេះហើយទើបប្រជាពលរដ្ឋ ស្នើដល់ឧត្តមសេនីយ៍ទោ ឈឿន សុចិត្ត ស្នងការនគរ បាលខេត្តកណ្តាល និងលោក គង់ សោភ័ណ្ឌ អភិបាលនៃគណៈអភិបាល ខេត្តកណ្តាល ចាត់មន្រ្តីក្រោមឱវាទចុះទប់ស្កាត់និងបង្រ្កាប ម្ចាស់សង្វៀនជល់មាន់និងអាប៉ោងខុសច្បាប់ មួយកន្លែងនៅត្រង់ចំណុចចិញ្ចឹមត្រចៀកកាំក្នុងភូមិសាស្ត្រខាងលើ អោយមានប្រសិទ្ធស្របតាមគោលនយោបាយ ភូមិ ឃុំ សង្កាត់ មានសុវត្ថិភាពទាំង៧ចំណុចដែលរាជរដ្ឋាភិ បាលបានដាក់ចេញដោយក្រសួងមហាផ្ទៃ។
សូមរំលឹកផងដែរថានៅថ្ងៃទី ១៧ ខែកញ្ញា ឆ្នាំ២០២២ កន្លងទៅសម្តេចតេជោ ហ៊ុន សែន អតីត នាយករដ្ឋមន្ត្រីនៃ កម្ពុជា បានដាក់បទបញ្ជាដល់អភិបាល រាជធានី.ខេត្ត. ទាំង ២៥.ខេត្ត.ក្រុង.អោយបង្រ្កាបរាល់ល្បែងខុសច្បាប់មិនមានការលើកលែង។បើអាជ្ញាធរនិងសមត្ថកិច្ចក្នុងមូលដ្ឋានស្រុក. ក្រុង.ខេត្ត.ណាមិនហ៊ានទប់ស្កាត់និងបង្រ្កាបទីតាំងបនល្បែងសុីសងនៅក្នុងមូលដ្ឋានខ្លួនគ្រប់គ្រងនោះទេ!អាជ្ញាធរនិងសមត្ថកិច្ចទាំងនោះនឹងបញ្ហាប្រឈមនិងបាត់បង់ពីតំណែងទៀតផង។ សូមបញ្ជាក់ថាថ្មីៗនេះសម្ដេច ហ៊ុន ម៉ាណែត នាយករដ្ឋមន្ត្រីនៃព្រះរាជា ណាចក្រកម្ពុជាបន្តវេនបានចេញបទបញ្ជាដល់អភិបាលរាជធានីខេត្តនូវទូទាំងប្រទេសត្រួតពិនិត្យជាបន្ទាន់លើទីតាំងល្បែងសុីសងគ្រប់ប្រភេទផ្សងសំណាងទាំងអស់គ្មានការលើកលែង។ ដោយឡែកអាជ្ញាធរនិងសមត្ថកិច្ចមូលដ្ឋាន ភូមិត្រាញ់.ឃុំរកា ស្រុកកណ្ដាលស្ទឹង បែជាបណ្តែតបណ្តោយអោយមានល្បែងសុីសងជល់មាន់និងអាប៉ោងខុសច្បាប់និងល្បែងជាច្រើនប្រភេទទៀតបើកដំណើរការអោយក្រុមញៀនល្បែងបើកលេងយ៉ាងគគ្រឹកគគ្រេង មិនព្រមធ្វើការទប់ស្កាត់និងបង្រ្កាបល្បែងអោយស្របតាមគោល នយោបាយភូមិឃុំសង្កាត់មានសុវត្ថិភាពទាំ៧ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃនោះទេ៕មានត
