ខេត្តព្រៃវែង៖ប្រភពពីក្រុមអ្នកញៀនល្បែងបានឲ្យដឹងថា “កាស៊ីណូ 777″ កំពុងបើកដំណើរការអោយពលរដ្ឋខ្មែរដែលញៀនចូលលេងល្បែងជល់មាន់បៀរអាប៉ោងនិងយូគីខុសច្បាប់និងល្បែងជាច្រើនប្រភេទទៀតយ៉ាងពពាក់ពពូននិងអនាធិបតេយ្យជារៀងរាល់ ថ្ងៃ!ទីតាំង”កាសុីណូ777″មួយកន្លែងនេះស្ថិតនៅឃុំបន្ទាយចក្រី ស្រុកព្រះស្តេច ខេត្តព្រៃវែង មិនទាន់មានឃើញអាជ្ញាធរនិងសមត្ថកិច្ច ណាចុះមកត្រួតពិនិត្យដើម្បីធ្វើការទប់ស្កាត់និងបង្ក្រាប អោយស្របតាម គោលនយោបាយភូមិ ឃុំ សង្កាត់ មានសុវត្ថិភាពទាំង៧ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃនៅ ឡើយទេ។
តាមសេចក្តីរាយការណ៍ពីពលរដ្ឋរស់នៅក្បែរទីតាំងបើក”កាសុីណូ 777″បានបន្តអោយ
ថា រាល់ថ្ងៃនេះគេបានសង្កេតឃើញសុទ្ធតែពលរដ្ឋខ្មែរនិងជនជាតិវៀតណាមឆ្លងដែនខ្លះមានប៉ាស្ព័រ ខ្លះទៀតអត់មានប៉ាស្ព័រ ចូលមក លេងល្បែងស៊ីសងគគ្រឹកគគ្រេងយ៉ាងអនាធិបតេយ្យជារៀងរាល់ថ្ងៃមិនរំខានដល់អាជ្ញាធរនិងសមត្ថកិច្ចមូលដ្ឋានឡើយ។
ប្រភពពលរដ្ឋដដែលបាននាំគ្នាលើកឡើងថា មកដល់ពេលនេះ គេមិនទាន់មានឃើញអាជ្ញាធរនិងសមត្ថកិច្ចពាក់ព័ន្ធ ស្រុកព្រះស្តេចឬថ្នាក់ខេត្ត ចុះមកទប់ស្កាត់និងបង្ក្រាបនោះទេ! ផ្ទុយទៅវិញអាជ្ញាធរនិងសមត្ថកិច្ចស្រុកព្រះស្តេច រក្សាភាពស្ងៀមស្ងាត់ប្រឆាំងបទបញ្ជានាយករដ្ឋមន្រ្តី អាណត្តិទី៧។
សូមបញ្ជាក់ថា កាលពីថ្ងៃទី ១៨ កុម្ភ: ឆ្នាំ ២០២៤សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បន្តវេនបានចេញបទបញ្ជាដល់ អភិបាល រាជធានីខេត្តទាំងអស់នូវទូទាំងប្រទេសត្រួតពិនិត្យជាបន្ទាន់លើទីតាំងល្បែងសុីសងគ្រប់ប្រភេទផ្សងសំណាងទាំងអស់គ្មានការលើកលែង។ដោយឡែកអាជ្ញាធរនិងសមត្ថកិច្ចស្រុកព្រះស្ដេចបណ្ដោយអោយម្ចាស់”កាសុីណូ 777″បើកអោយពលរដ្ឋចេញចូលទៅលេងល្បែងស៊ីសងដោយសេរីគ្មានការទប់ស្កាត់និងបង្ក្រាបនោះទេផ្គើនបទបញ្ជាប្រមុខរាជរដ្ឋាភិបាល។
គួររំលឹកថា ស.ជ.ណ ដែលចេញដោយទីស្តីការគណៈ រដ្ឋមន្រ្តីអនុញ្ញាតផ្តល់អាជ្ញាប័ណ្ណឲ្យបើកមជ្ឈមណ្ឌលកំសាន្តកាសុីណូ រាល់ល្បែងសុីសងគឺដាច់ខាតគ្មានទីតាំងល្បែង សុីសងភ្នាល់គ្នាជល់មាន់ឬបក្សីកីឡានោះទេ ម្យ៉ាងទៀតភ្ញៀវខ្មែរ មិនត្រូវបានអនុញ្ញាតអោយពលរដ្ឋខ្មែរចូលលេងល្បែងសុីសងនៅក្នុងកាសុីណូ នោះឡើយ។
តាមសេចក្តីរាយការណ៍បានឲ្យដឹងទៀតថាលោកអភិបាល នៃគណៈអភិបាល ខេត្តព្រៃវែង និងលោក ឈឿន ប៊ុនឆន ស្នងការនគរបាលខេត្តព្រៃវែងថ្មី កំពុងបណ្ដែត បណ្តោយឲ្យម្ចាស់ទីតាំង”កាសុីណូ 777″ មួយកន្លែងនេះបើកល្បែងសុីសងជល់មាន់ បៀរអាប៉ោងនិងយូគីនៅក្នុង”កាសុីណូ 777″ បើកអោយពលរដ្ឋខ្មែរចូលលេងល្បែងសុីសងយ៉ាងពពាក់ពពូននិងអនាធិប តេយ្យ ដែលស្ថិតនៅឃុំបន្ទាយចក្រី ស្រុកព្រះស្តេច តាមអំពើចិត្ត ផ្ទុយពីច្បាប់អនុញ្ញាត ។
ដូច្នេះហើយពលរដ្ឋរស់នៅមូលដ្ឋានខាងលើស្នើដល់ថ្នាក់ដឹកនាំក្រសួងមហាផ្ទៃ ជាពិសេ ស ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃគួរពិនិត្យឡើងវិញផងចំពោះម្ចាស់”កាស៊ីណូ 777” មួយកន្លែងនេះដែលកំពុងបើកអោយពលរដ្ឋខ្មែរចូល លេងល្បែងសុីសងជល់មាន់ បៀរអាប៉ោងយូគីយ៉ាងអនាធិបតេយ្យផងទាន។
ប្រភពដដែលបានអោយដឹងថា សម្រាប់ការជល់មាន់១គូៗភ្នាល់ដាក់លុយចាប់ពី២ លាន.រៀលទៅដល់៣០០០ ដុល្លារឬច្រើនជាងនេះទៅទៀតបញ្ជាក់ថា ល្បែងសុីសង ជល់មាន់បៀរអាប៉ោងនិងយូគី បើកលេងទ្រង់ទ្រាយធំតែម្តង។ ប្រជាពលរដ្ឋបាននាំគ្នាព្រួយបារម្ភយ៉ាងខ្លាំង បញ្ហាល្បែងសុីសនៅក្នុង”កាស៊ីណូ777″នៅឃុំបន្ទាយចក្រី ដែលបើកដំណើរការលេងភ្នាល់យ៉ាងពពាក់ពពូនបែបអនាធិបតេយ្យមកដល់សព្វថ្ងៃនេះ ធ្វើអោយប្រជាពលរដ្ឋនាំគ្នាព្រួយបារម្ភភ័យខ្លាចបញ្ហាអសន្តិសុខសង្គមនិងអំពើចោរកម្មចោរ ឆក់.ចោរប្លន់. ចោរលួច. គ្រឿងញៀននិងប្រើអំពើហិង្សាគ្រួសារដើមចមកើតចេញពីល្បែង សុីសងនេះឯង៕
