តាមប្រភពពីមន្ត្រីគយនិងភ្នាក់ងារគយចល័ត តំបន់៤បានអោយដឹងថា ចាប់តាំងពីលោក យឹម វណ្ណៈ ទទួលបាន តំណែងជាប្រធាន គយចល័តតំបន់៤ មកលោក យឹម វណ្ណៈ កំពុងឃុបឃិតឲ្យឈ្មួញធំៗ បង់ពន្ធតាម របៀបម៉ៅការហើយឈ្មួញទាំងនោះអាចនាំចូលទំនិញគេចពន្ធទំនិញបង់ពន្ធមិនគ្រប់និងទំនិញ ខុសច្បាប់កាន់តែច្រើនឡើងៗគ្រប់បណ្ដាខេត្តនានាចូលខេត្តបាត់ដំបង។
ប្រភពអ្នកដឹកទំនិញបានឲ្យដឹងថា សព្វថ្ងៃនេះមានរថយន្តធំៗជាច្រើនគ្រឿងបានដឹកទំនិញពីគ្រប់បណ្ដាខេត្តចូលមកខេត្ត បាត់ដំបងក្នុងមួយថ្ងៃៗមិនក្រោមពី 400 គ្រឿងទៅ800គ្រឿងនោះទេហើយឡានដឹកទំនិញទាំងនោះត្រូវបង់ឲ្យគយចល័តតំបន់៤ក្នុងរថយន្តនីមួយៗបង់ចន្លោះពី100 ដុល្លារទៅ 300 ដុល្លារ?ទៅអោយគយចល័តតំបន់៤ ទទើបចូលខេត្តបាត់ដំបងបានដោយសុវត្ថិភាព ?មិនប្រក្រតីអំពើពុករលួយរបស់លោក យឹម វណ្ណៈ មេគយចល័តតំបន់ ៤កំពុងធ្វើឲ្យរដ្ឋត្រូវ ខាតបង់ចំណូលពន្ធយ៉ាងច្រើនសន្ធឹកសន្ធាប់ក្នុងមួយខែៗ ហើយមន្ត្រីគយក្រោមឱវាទរបស់លោក យឹម វណ្ណៈ អាចគាប សង្កត់ជំរិតយកលុយលើតុ ក្រោមតុពីក្រុមឈ្មួញតាមអំពើចិត្តរបស់ខ្លួន?។ ហេតុនេះហើយទើបមានការអំពាវនាវដល់លោក ឱម យ៉ិនទៀង ប្រធានអង្គភាពប្រឆាំងអំពើពុករលួយ ឲ្យបើកការ ស៊ើបអង្កេតទៅ លើភាពមិនប្រក្រតីពុករលួយរបស់លោក យឹម វណ្ណៈ មេគយចល័តតំបន់ ៤ឲ្យបានស៊ីជម្រៅដើម្បីកុំឲ្យមន្ត្រីគយរូបនេះនិងបក្ខពួកឃុបឃិតគ្នាធ្វើអ្វីៗតាមអំពើចិត្តតទៅទៀត។
ប្រភពពីមន្ត្រីគយនិងភ្នាក់ងារគយមួយចំនួនបានបន្តថាចាប់តាំងពីលោក យឹម វណ្ណៈ ត្រូវបានតែងតាំងជាប្រធានគយចល័តតំបន់៤ រួចមកគឺមន្ត្រីគយរូបនេះប្រើតួនាទី និងអំណាចប្រព្រឹត្តអំពើពុករលួយយ៉ាងពេញបន្ទុកដោយគ្មានញញើតអ្វីទាំងអស់។ប្រភពខ្លះបានលើកឡើងថា ដោយសារលោក យឹម វណ្ណៈ ចំណាយដើមទុនយ៉ាងច្រើនក្នុងការទទួលបានតំណែងជាប្រធានគយចល័តតំបន់៤ទើបប្រើគ្រប់វិធីដើម្បីប្រមូលលុយតាមរបៀបពុករលួយស្រេចតែអំពើចិត្តរបស់ខ្លួន។
ហេតុនេះហើយទើបឈ្មួញធំៗជាច្រើននាក់អាចនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់តាមបណ្ដាលខេត្តនានាចូលមកខេត្តបាត់ដំបងកាន់តែច្រើនឡើងៗហើយលោក យឹម វណ្ណៈ តែងប្រើឈ្មោះមន្ត្រីគយធំៗនៅ ក្នុងអគ្គនាយកដ្ឋានគយនិងរដ្ឋាករកម្ពុជាដើម្បីបិទបាំងភាពមិនប្រក្រតីពុករលួយរបស់ខ្លួនផងដែរ។
បើតាមប្រភពពីមន្ត្រីគយដែលស្និទ្ធនឹងលោក យឹម វណ្ណៈ បានឲ្យដឹងថា ចាប់ពីទទួលបានតំណែងមេគយចល័តតំបន់៤មកលោក យឹម វណ្ណៈ ល្បីល្បាញខាងប្រើតួនាទីនិងអំណាចប្រមូលលុយតាមរបៀបពុករលួយយ៉ាងពេញបន្ទុកផងដែរ។
ហេតុនេះហើយទើបមានការអំពាវនាដល់លោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ចាត់វិធានការទប់ស្កាត់ភាពមិនប្រក្រតីរបស់លោក យឹម វណ្ណៈ ជាបន្ទាន់ព្រោះថាលោក គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករត្រូវបានគេដឹងថាជាអ្នកឃុបឃិតបើកដៃឲ្យលោក យឹម វណ្ណះ ធ្វើព្យុះធ្វើភ្លៀងតាមអំពើ ចិត្ត។បឋម
