ខេត្តត្បូងឃ្មុំ ៖ គួររំលឹកថា កាលពីថ្ងៃទី១៨ ខែ កុម្ភ: ឆ្នាំ ២០២៤ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បន្តវេនបានចេញបទបញ្ជាដល់ អភិបាល រាជធានី. ខេត្ត.ទាំង អស់នូវទូទាំងប្រទេសត្រួតពិនិត្យជា បន្ទាន់លើទីតាំងបនល្បែងស៊ីសងគ្រប់ប្រភេទផ្សងសំណាងទាំងអស់គ្មានការ លើកលែង។ ដោយឡែកសង្វៀនជល់មាន់និងអាប៉ោងខុសច្បាប់មួយកន្លែងស្ថិតនៅឃុំជីគរ ស្រុកត្បូងឃ្មុំ ខេត្តត្បូងឃ្មុំ បើកដំណើរការអោយក្រុមញៀនល្បែងលេងយ៉ាងគគ្រឹក គគ្រេងប្រឆាំងបទបញ្ជានាយករដ្ឋមន្ត្រី រីឯ អាជ្ញាធរនិងសមត្ថកិច្ចមូលដ្ឋាន រក្សាភាពស្ងៀមស្ងាត់ មិនព្រមធ្វើការទប់ស្កាត់និងបង្រ្កាបនោះទេ!បណ្តោយអោយបុគ្គលម្ចាស់សង្វៀនល្បែងសុីសងខុសច្បាប់មួយកន្លែងនេះបើកអោយក្រុមញៀនល្បែងលេងយ៉ាង គគ្រឹក គគ្រេងមិនរំខានដល់អាជ្ញាធរនិងសមត្ថកិច្ចឡើយ។
បើតាមប្រភពរាយការណ៍ពីប្រជាពលរដ្ឋរស់ នៅឃុំជីគរបានអោយដឹងថា បុគ្គលម្ចាស់ទីតាំងល្បែងជល់មាន់ និងអាប៉ោងខុសច្បាប់នៅចំណុចឃុំជីគរ ស្រុកត្បូងឃ្មុំ ខេត្តត្បូងឃ្មុំ ចាប់ផ្ដើមបើកដំណើរការល្បែងឡើងវិញទៀត យ៉ាងពេញបន្ទុករាល់ថ្ងៃ ចំណែកអាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋានមិនទាន់ឃើញចុះអនុវត្តទប់ស្កាត់និងបង្ក្រាបនៅនោះទេ! ធ្វើអោយមហាជនរិះគន់ដាក់ការសង្ស័យ ថា អាជ្ញាធរនិងសមត្ថកិច្ចមូលដ្ឋានទទួលបានលាភសក្ការៈពីបុគ្គល ម្ចាស់បនល្បែងមួយនេះរួចរាល់ហើយទេដឹង? បាននាំគ្នារក្សាភាពស្ងៀមស្ងាត់។
ប្រភពដដែលបានបន្ថែមអោយដឹងទៀតថា បុគ្គលម្ចាស់ទីតាំងល្បែងជល់មាន់ និងអាប៉ោងខុសច្បាប់តែងតែដើរកៀងគរប្រមូលផ្តុំក្រុមញៀនល្បែងមកជួបជុំគ្នាបើកលេងភ្នាល់ចាក់ដាក់លុយចាញ់ឈ្នះរាប់លាន រាប់ពាន់ដុល្លារ ហើយស្រែកហ៊ោកញ្ជ្រៀវទ្រហឹង កង រំពងបង្កភាពអនាធិបតេយ្យធ្វើ អោយប្រជាពលរដ្ឋរស់នៅក្បែរទីតាំងនោះមានការព្រួយបារម្ភភ័យខ្លាចយ៉ាងខ្លាំងអំពីបញ្ហាអសន្តិសុខ សង្គមនិងអំពើចោរកម្ម.លួច. ឆក់ .ប្លន់ .គាស់ផ្ទះនិងអំពើហិង្សាគ្រួសារគ្រឿងញៀនជាដើមចមកើតចេញពីល្បែង សុីសងនេះឯង។
ដូច្នេះហើយទើបប្រជាពលរដ្ឋខាងលើស្នើដល់លោក ប៉ែន កុសល អភិបាលខេត្តត្បូង ឃ្មុំ.លោកឧត្តមសេនីយ៍ត្រី ចិន នី ស្នងការដ្ឋាននគរ បាលខេត្តត្បូងឃ្មុំនិងលោកឧត្តមសេនីយ៍ត្រី រ័ត្ន ចាន់ណា មេបញ្ជាការ កងរាជអាវុធហត្ថខេត្តត្បូងឃ្មុំ មេត្តាចាត់កម្លាំងជំនាញក្រោមឱវាទចុះពិនិត្យទប់ស្កាត់និងបង្រ្កាប ទីតាំងល្បែងសុីសងជល់មាន់និងអាប៉ោងខុសច្បាប់ស្ថិតក្នុងភូមិសាស្ត្រខាង លើអោយមាន ប្រសិទ្ធភាព ស្របតាមគោល នយោបាយ ភូមិ ឃុំសង្កាត់ មានសុវត្ថិភាពទាំង៧ ចំណុចដែលរាជរដ្ឋាភិបាលបានដាក់ ចេញដោយក្រសួងមហាផ្ទៃ៕មានត
