មេឈ្មួញធ្យូងឈ្មោះ ថៃ គា ល្បីប្រចាំខេត្តក្រចេះសម្រុកដឹកជញ្ជូនធ្យូងឆ្លងដែនយកទៅលក់នៅប្រទេសវៀតណាម ចំណែកឯសមត្ថកិច្ចជំនាញពាក់ព័ន្ធនៅតាមដងផ្លូវ នាំគ្នារក្សាភាពស្ងៀមស្ងាត់.!

ខេត្តក្រចេះ៖ មេឈ្មួញធ្យូងឈ្មោះ ថៃ គា នៅតែបន្តគៀង គរប្រជាពលរដ្ឋឲ្យចូលកាប់ព្រៃដើម្បីដឹកជញ្ជូនធ្យូងមកលក់ឲ្យខ្លួន។ តាមប្រភពពីប្រជាពល រដ្ឋរាយការណ៍ឲ្យដឹងថា ធ្យូងទាំងអស់នេះ ដឹកតាមគោយន្តកន្ត្រៃចេញពីភូមិរណែង និងភូមិម៉្សៅ មកស្តុកទុកនៅជើងភ្នំឆ្វេ បទសុក្រំរួចបន្តមកទំលាក់នៅចំណុចភូមិបទឈើក្រំ ឃុំស្វាយជ្រះស្រុកស្នួល ខេត្ត ក្រចេះ ហើយលើកដាក់រថយន្តខ្នាតយក្សប្រភេទV1 ចំនួន៣ គ្រឿងដឹកបន្តទៅប្រទេសវៀតណាម ឆ្លងកាត់ សង្កាត់ រដ្ឋបាលព្រៃឈើស្វាយជ្រះ និងឆ្លងកាត់ ស្នាក់ការសន្តិសុខកងរាជអាវុធហត្ថ ៧០៧ និងឆ្លងកាត់ រដ្ឋបាលព្រៃឈើ សួនអាពាហ៍ពិពាហ៍ បន្តឆ្លងកាត់សង្កាត់រដ្ឋបាលព្រៃឈើខ្សឹម និងឆ្លងកាត់ មូលដ្ឋានកងរាជ អាវុធហត្ថស្រុកស្នួល គ្រប់គ្រងដោយលោក លន់ ប៊ុនថុល និងឆ្លងកាត់អធិការដ្ឋាននគរបាលស្រុកស្នួល ផ្នែករដ្ឋបាលព្រៃ ឈើស្រុកស្នួល ឆ្ពោះទៅព្រំដែន ឆ្លងដែនតាមច្រករបៀងដេបី (D3)។​

ឯលោកថៃ គា ដែលជាមន្ត្រីយោធាល្បីឈ្មោះខាងរកសុីបទល្មើសឆ្លងដែន នៅ តែបន្តគៀង គរប្រជាពលរដ្ឋឲ្យចូលកាប់ព្រៃដើម្បីយកមកដុត ធ្វើធ្យូងលក់ឲ្យលោកផ្ដាច់មុខនៅចំណុចភូមិឡជាឈ្មោះតំបន់ ស្ថិតនៅ ភូមិចំការដំឡូង ឃុំស្វាយជ្រះ ស្រុកស្នួល ដឹកតាមគោយន្តកន្ត្រៃ និងរថយន្តកែច្នៃ មកដាក់នៅឯផ្ទះលោក ស្ថិត នៅភូមិសំបួរ ឃុំស្វាយជ្រះស្រុកឈ្នួល។លោក ថៃ គា បន្ទាប់ពីបែកធ្លាយរថយន្តខ្នាតយក្សរបស់គាត់ដាក់ទល់មេឃ ឥឡូវមក បំលែងរូបភាពយករថយន្តV1ចំនួន៣គ្រឿងដាក់ត្រឹមស្មើទ្រុងដើម្បីបន្លំជារថយន្តដឹកទំនិញផ្សេងៗ។ ក៏ប៉ុន្តែនៅតែមិនបាំងភ្នែក ក្រុមអ្នក ឃ្លាំមើលបទល្មើសធនធានធម្មជាតិបានឡើយ។​

ក្រុមអ្នកឃ្លាំមើល បទល្មើសធនធានធម្មជាតិបានរាយការ ណ៍ជូនមន្ត្រី មានការពាក់ព័ន្ធជាមួយនឹងបទល្មើសធនធានធម្មជាតិ ដោយមន្ត្រីទាំងនោះ បានយ៉ាងដូច្នេះថា រៀងរាល់ បទល្មើសឆ្លងដែនបើនៅតែមានបន្តទៀតលោកនិងបង្ក្រាបមិនអនុញ្ញាតឲ្យមានការដឹក ជញ្ជូនធ្យូងឆ្លងដែនបន្តទៀតឡើយ។

ជាក់ស្តែងលោក ថៃ គា នៅតែបន្តលើកធ្យូងដាក់រថយន្ត V1ចំនួន៣គ្រឿងដាក់ស្មើទ្រុងរួចគ្រប់តង់ចតនៅខាងក្រោយផ្ទះរបស់លោកជាធម្មតាត្រៀមដឹកឆ្លងដែនដូចជាមិនខ្លាច ញញើតនិងច្បាប់ឡើយ។ ពលរដ្ឋចាំមើលលើកនេះ តើលោក ថៃគា និងចែធី ដែលជាមេឈ្មួញ រកសុីធ្យូងខុសច្បាប់ឆ្លងដែនយកទៅលក់នៅប្រទេសវៀតណាម អាចរួចពីកណ្តាប់ដៃមន្ត្រីមានសម្ថកិច្ចជំនាញដែរឬយ៉ាងណា?៕