ខេត្តព្រៃវែង៖ តាមប្រភពពីប្រជាពលរដ្ឋដែលរស់នៅក្បែរ” កាស៊ីណូ “៣៣” ច្រកព្រំដែនស្វាយអាង៉ោងដែលស្ថិតនៅក្នុងភូមិចាម ឃុំចាម ស្រុកកំពង់ត្របែកបានអោយដឹងថា កាស៊ីណូ”៣៣” ច្រកព្រំដែនស្វាយអាង៉ោងនៅតែបន្តបើកអោយពលរដ្ឋខ្មែរចូលលេង ល្បែងស៊ី សងយ៉ាងគគ្រឹក គគ្រេង រីឯអាជ្ញាធរនិងសមត្ថកិច្ចជំនាញពាក់ព័ន្ធក្នុងមូលដ្ឋាន រក្សាភាពស្ងៀមស្ងាត់។
ប្រភពបានបន្តថា កាសុីណូ “៣៣” ដែលកំពុងបើកអោយពលរដ្ឋខ្មែរចូលលេងល្បែងសុីសងរាល់ថ្ងៃនោះប្រហែលគ្មានច្បាប់អនុញាតផងក៍មិនដឹង?ប្រហែល ម្ចាស់កាសុីណូ “៣៣” មានខ្នងបង្អែករឹងមាំ នៅក្នុងខេត្តព្រៃវែងទេដឹង? ទើបហ៊ានធ្វើអ្វីៗតាមអំពើចិត្ត។ហេតុនេះលោក សួន សុម៉ាលីន អភិបាលខេត្តព្រៃវែងនិងលោក ឈឿន ប៊ុនឆន ស្នងការនគរ បាលខេត្តព្រៃវែងអាណត្តិទី៧ ចាត់មន្ត្រីជំនាញក្រោមឱវាទចុះទប់ស្កាត់និងបង្ក្រាបម្ចាស់ កាស៊ីណូ”៣៣”ដែលកំពុងបើកអោយពលរដ្ឋខ្មែរចូលលេងល្បែងសុីសងគគ្រឹក គគ្រេងផ្ទុយពីច្បាប់អនុញ្ញាតអោយមានប្រសិទ្ធភាព ។
ប្រជាពលរដ្ឋរស់នៅមូលដ្ឋានខាងលើស្នើដល់ថ្នាក់ដឹកនាំក្រសួងមហាផ្ទៃ ជាពិសេ សនាយឧត្តមសេនីយ៍ ស ថេត អគ្គស្នងការនគរបាលជាតិនិងលោកសន្តិបណ្ឌិត សុខ ផល រដ្ឋលេខាធិការក្រសួងមហាផៃ្ទនិងជាប្រធានគណៈកម្មការទប់ស្កាត់និងបង្រ្កាបបទល្មើសល្បែងសុីសងទូទាំងប្រទេស មេត្តាចាត់មន្រ្តីក្រោមឱវាទចុះពិនិត្យទីតាំងកាស៊ីណូ”៣៣” នៅច្រកព្រំដែនស្វាយអាង៉ោងដែលបើកអោយប្រជាពលរដ្ឋខ្មែរចូលលេងល្បែងសុីសង ជល់មាន់បៀអាប៉ោងយូគីនិងល្បែងជាច្រើនប្រភេទទៀតខុសច្បាប់បើកបង្កប់នៅក្នុងកាសុីណូ” ៣៣” ច្រកព្រំដែនស្វាយអាង៉ោងនេះផងទាន។
បើតាមប្រភពពីក្រុមញៀនល្បែងចេញចូលក្នុងកាសុីណូ “៣៣” បានបន្ថែមថា អ្នកដែលចេញចូលទៅល្បែងស៊ីសងភាគច្រើនសុទ្ធតែពលរដ្ឋខ្មែរដែលញៀននឹងល្បែងជិះឡានជិះម៉ូតូសេរីទំនើបៗ រាប់ សិបគ្រឿងមកពីគ្រប់បណ្ដាខេត្តនានាចូលទៅលេងក្នុងកាសុីណូ”៣៣”ដោយសេរីយ៉ាងរំភើយជារៀងរាល់ថ្ងៃមិនរំខានដល់សមត្ថកិច្ចនិងអាជ្ញាធរឡើយ។
ប្រជាពលរដ្ឋស្រុកកំពង់ត្របែក រងចាំមើលកណ្តាប់ដៃលោក សួន សុម៉ាលីន អភិបាលខេត្តព្រៃវែងនិងលោក ឈឿន ប៊ុនឆន ស្នងការនគរបាលខេត្តព្រៃវែង អាណត្តិទី៧ មានចំណាត់ ការបែបណាទៅលើម្ចាស់ កាស៊ីណូ”៣៣” ដែលបើកពង្វក់អោយពលរដ្ឋខ្មែរវីវក់វង្វេងចូលលេងល្បែងសុីសងក្នុងកាសុីណូ “៣៣” ផ្ទុយពីច្បាប់អនុញ្ញាត។ ឬទុកអោយម្ចាស់ “កាស៊ីណូ”៣៣” ធ្វើព្យុះភ្លៀងគៀងគរប្រមូលផ្ដុំពលរដ្ឋខ្មែរអោយចូលលេងល្បែងជល់មាន់បៀអាប៉ោងយូគីខុសច្បាប់និងល្បែងផ្សេងៗទៀតដែលបង្កការ ភ័យខ្លាចបញ្ហាអសន្តិសុខសង្គមនិងអំពើចោរកម្មចោរចោរលូច.ចោរឆក់. ចោរប្លន់. ចោរគាស់ផ្ទះ.គ្រឿង ញៀននិងប្រើអំពើហិង្សាគ្រួសារដើម ចមកើតចេញពីល្បែងសុីសងនេះឯង។
មជ្ឈដ្ឋាននានាដាក់ការសង្ស័យថា ប្រហែលម្ចាស់ “កាស៊ីណូ” ៣៣” បានផ្ដល់ផលប្រយោជន៍ប្រចាំថ្ងៃ ខែជូន អាជ្ញាធរនិងសមត្ថកិច្ចជំនាញពាក់ព័ន្ឋក្នុងមូលដ្ឋាន រួចរាល់អស់ហើយទេដឹង?បាននាំគ្នារក្សាភាពស្ងៀម ស្ងាត់ មិនមានចាត់វិធានការទប់ស្កាត់និងបង្ក្រាប ដើម្បី អោយស្របតាមគោលនយោ បាយ ភូមិ ឃុំ សង្កាត់មានសុវត្ថិភាពទាំង៧ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃ។
បញ្ហានេះដែលលោក សួន សុម៉ាលីន អភិបាលខេត្តព្រៃវែងនិងលោក ឈឿន ប៊ុនឆន ស្នង ការខេត្តព្រៃវែងនិងលោក ឈួន គឹមសាន មេបញ្ជាការកងរាជ អាវុធហត្ថខេត្តព្រៃវែង អាណត្តិទី៧ គួរ តែចាត់វិធានការទប់ស្កាត់និងបង្រ្កាប ម្ចាស់”កាសុីណូ “៣៣” នៅច្រកព្រំដែនស្វាយអាង៉ោង ស្រុកកំពង់ ត្របែក ខេត្តព្រៃវែង ដែលបើកអោយប្រជាពលរដ្ឋខ្មែរចូល លេងល្បែងសុីសងខុសច្បាប់នេះអោយមានប្រសិទ្ធភាពផង ៕មាន
