ស្វាយរៀង៖ប្រភពពីមន្ត្រីនៅច្រកតំបន់ព្រំដែនដូងស្រុករមាសហែក ខេត្តស្វាយរៀង បានអោយដឹងថា លោក សៅ វណ្ណា នាយប៉ុស្តិ៍នគរបាលច្រកទ្វារតំបន់ព្រំដែនដូងបើកដៃឲ្យឈ្មួញនាំចូលទំនិញគេចពន្ធទំនិញបង់ពន្ធមិនគ្រប់និងទំនិញខុសច្បាប់ទាំងយប់ទាំងថ្ងៃយ៉ាងគគ្រឹកគ្រេង។ការដែលលោក សៅ វណ្ណា ហ៊ានធ្វើអ្វីៗតាមអំពើចិត្តគឺអាងមានខ្នង បង្អែករឹងមាំនៅខេត្តស្វាយរៀងរីឯលោក ពេជ្រ វីរ: ស្នងការដ្ឋាននគរបាលខេត្តស្វាយរៀងនិងលោក ប៉េង ពោធិ៍សា រក្សាភាពស្ងៀមស្ងាត់!ដូច្នេះហើយទើបលោក សៅ វណ្ណា នាយប៉ុស្តិ៍នគរបាលច្រកទ្វារតំបន់ព្រំដែនដូង ប្រើអំណាច និងតួនាទីរបស់ខ្លួនប្រមូលលុយតាមរបៀបពុករលួយកាន់តែខ្លាំងឡើងខ្លាំងឡើងៗចាប់តាំងពីអំឡុងខែធ្នូចុងឆ្នាំ 2021 រហូតមកដល់បច្ចុប្បន្ននេះ។
ប្រភពបន្តពីក្រុមឈ្មួញនិងអាជីវករក៍ ដូចប្រជាពលរដ្ឋដែលនាំចូលទំនិញពីប្រទេសវៀតណាមតាមច្រកទ្វារតំបន់ព្រំដែនដូងស្រុករមាសហែក ខេត្តស្វាយរៀងបានឲ្យដឹងថាមុខរបររបស់ពួកគាត់សព្វថ្ងៃនេះនៅសល់កម្រៃតិចតូចណាស់ដោយហេតុថាលោក សៅ វណ្ណា នាយប៉ុស្តិ៍នគរបាលច្រកទ្វារតំបន់ព្រំដែនដូង គាបយកលុយច្រើនៗតាមការ កំណត់ដោយគ្មានចេញបង្កាន់ដៃឬវិក័យប័ត្រត្រឹមត្រូវនោះទេ!ហើយគ្មានឈ្មួញនិងអាជីវករណាហ៊ានតវ៉ាឡើយ។
ទន្ទឹមនិងនេះដែរក្រុមឈ្មួញនិងអាជីវករត្រូវបង់លុយឲ្យមន្ត្រីគយនិងសមត្ថកិច្ចពាក់ព័ន្ធជា ច្រើនស្ថាប័នទៀតដែលនៅប្រចាំការច្រកទ្វារព្រំដែននិងនៅតាមផ្លូវធ្វើឲ្យមុខរបររកទទួលទានពួកគាត់ប្រឈមនឹងបញ្ហាលំបាកកាន់តែខ្លាំងឡើងៗថ្មីៗនេះនៅច្រកទ្វារព្រំដែនតំបន់ ដូងក្រុមឈ្មួញនិងអាជីវកររួមនិងប្រជាពលរដ្ឋខ្មែរសម្រុកនាំចូលទំនិញគ្រប់ប្រភេទពីប្រទេសវៀតណាមយ៉ាងគំហុកចំណែកក្រុមមន្រ្តីប្រចាំការច្រកអាចប្រមូលលុយបានយ៉ាងច្រើនសន្ធឹកសន្ធាប់ជារៀងរាល់ថ្ងៃ ជាពិសេសលោក សៅ វណ្ណា អាចប្រមូលលុយតាមរបៀប ពុករលួយយ៉ាងពេញទំហឹងដោយមានការរួមសហការពីរលោក ឆេង សាវិន ប្រធានការិយាល័យគយច្រកទ្វារតំបន់ព្រំដែនដូងដែលមានខ្នងបង្អែករឹងមាំផងនោះ។
ហេតុនេះលោក ពេជ្រ វីរៈ ស្នង ការដ្ឋាននគរបាលខេត្តស្វាយរៀង និង លោក ប៉េង ពោធិ៍សា អភិបាលខេត្តស្វាយរៀង គួរតែពិនិត្យឡើងវិញខ្លះផងទានព្រោះថាភាពមិនប្រក្រតីពុករលួយរបស់លោក សៅ វណ្ណា ត្រូវបានលាតត្រដាងជាបន្ត បន្ទាប់។ដូច្នេះអង្គភាពប្រឆាំងអំពើពុករលួយធ្លាប់ប្តេជ្ញាលុប បំបាត់អំពើពុករលួយគួរដាក់មន្រ្តីក្រោមឱវាទចុះស្រាវជ្រាវទប់ស្កាត់និងបង្រ្កាបភាពមិនប្រក្រតី ពុករលួយលោក សៅ វណ្ណា នាយប៉ុស្តិ៍នគរបាលច្រកទ្វារតំបន់ព្រំដែនដូងនិងសមត្ថកិច្ចពាក់ព័ន្ធប្រចាំច្រកនេះបន្ទាន់ ផងទាន៕មានត
