ខេត្តកណ្តាល ៖ តាមសេចក្តីរាយការណ៍ ពីប្រជាពលរដ្ឋរស់នៅឃុំក្រាំងយូវ បានអោយដឹងថា បុគ្គលដែលហ៊ាន បើក ល្បែងមាន់ជល់ខុសច្បាប់នៅខាងកើតផ្សារភ្នៀត ឃុំក្រាំងយូវ ស្រុកស្អាង ខេត្តកណ្តាល ប្រហែល មានខ្នងបង្អែករឹងមាំ ហើយ ទើបហ៊ានបើកល្បែងសុីសងតាមទំនើងចិត្ត! ចំណែកឯអាជ្ញាធរនិងសមត្ថ កិច្ចមូលដ្ឋាន រក្សាភាពស្ងៀមស្ងាត់។
ជាងស្តែង នៅរសៀល ថ្ងៃទី ៣១ ខែសីហា ឆ្នាំ២០២៤ នេះ ទីតាំងល្បែងមាន់ជល់ខុស ច្បាប់ ដុះស្លែ ដែលស្ថិតនៅខាងកើតផ្សារភ្នៀត ឃុំក្រាំងយូវ ស្រុកស្អាង ដែលកំពុងបើកដំណើរការអោយក្រុមញៀនល្បែងលេងយ៉ាងគគ្រឹក គគ្រេងពេញបន្ទុក បើកលេងរាល់ថ្ងៃ ធ្វើអោយប្រជាពលរដ្ឋរិះគន់ថា បើគ្មានការ ឃុបឃិតគ្នាជាប្រព័ន្ធ មានខ្នងបង្អែករឹង មាំ ទេនោះ ម្ល៉េះម្ចាស់ទីតាំងល្បែងសុីសង និងបក្សពួករបស់ខ្លួន មិនអាចសាងភាពល្បីល្បាញខាងបើកល្បែងមាន់ជល់ ខុសច្បាប់ នៅលើទឹកដី ស្រុកស្អាង ខេត្តកណ្តាល បានឡើយ។
មហាជនក៏ដូចប្រជាពលរដ្ឋរស់នៅក្នុង ឃុំក្រាំងយូវ ស្រុកស្អាង ដាក់ការសង្ស័យ មន្ត្រីអាជ្ញាធរ និងសមត្ថកិច្ចពាក់ព័ន្ធក្នុងមូលដ្ឋាន ប្រហែល សម្ងំទទួល លាភសក្ការៈពីបុគ្គលម្ចាស់ទីតាំងល្បែងសុីសង មួយកន្លែងនេះ រួចហើយទេដឹង ? ទើបមានបើកល្បែងសុីសងដូចជាមាន់ជល់ ខុសច្បាប់ បណ្តោយអោយក្រុមញៀនល្បែងទាំងនោះទៅលេងយ៉ាងគគ្រឹក គគ្រេង គ្មានការបង្ក្រាប។
ប្រជាពលរដ្ឋរស់នៅសព្វថ្ងៃមានការព្រួយបារម្ភ និងភាពភ័យខ្លាចយ៉ាងខ្លាំង បញ្ហាអសន្តិសុខ សង្គមនិងអំពើចោរ កម្ម.ចោរលួច.ចោរឆក់.ចោរប្លន់.ចោរគាស់ផ្ទះគ្រឿងញៀននិងប្រើអំពើហិង្សាគ្រួសារជា ដើមចមកើតចេញពីល្បែង សុីសងនេះឯង។
អង្គភាពសារព័ត៌មានយើងធ្វើការផ្សព្វ ផ្សាយនេះ ដើម្បីពាំនាំដំណឹងអំពីសកម្មភាព ក៏ដូចព្រឹត្តិការណ៍ ក្នុងការជំរាបជូន ដល់ស្ថាប័នពាក់ព័ន្ធឲ្យបានជ្រាប?ដូច្នេះប្រជាពលរដ្ឋក៏ដូចមហាជននានាសំណូមពរទៅដល់ឧត្តមសេនីយ៍ ទោ ឈឿន សុចិត្ត ស្នងការនគរបាលខេត្តកណ្តាល.លោក គួច ចំរើន អភិ បាលនៃគណៈអភិបាល ខេត្តកណ្តាលនិងលោកឧត្តមសេនីយ៍ត្រី សំ តុលា មេបញ្ជាការកងរាជអាវុធហត្ថខេត្តកណ្តាល ជួយចាត់កម្លាំងមន្ត្រីក្រោមឱវាទ ចុះត្រួតពិនិត្យ និងបង្រ្កាប! ទីតាំងល្បែងមាន់ ជល់ ខុសច្បាប់ មួយកន្លែងនេះស្ថិតក្នុងភូមិសាស្ត្រខាងលើនេះផង ដើម្បីពង្រឹងសន្តិសុខ សង្គម៕បឋម
