ប្រភពពីមន្ត្រីនៅច្រកតំបន់ព្រំដែនដូងស្រុករមាសហែក ខេត្តស្វាយរៀង បានអោយដឹង ថា លោក សៅ វណ្ណា នាយប៉ុស្តិ៍នគរបាលច្រកទ្វារតំបន់ព្រំដែនដូងបើកដៃឲ្យឈ្មួញតូចធំសម្រុកនាំចូលទំនិញគេចពន្ធទំនិញបង់ពន្ធមិនគ្រប់និងទំនិញខុសច្បាប់ទាំងយប់ទាំងថ្ងៃយ៉ាងគគ្រឹកគ្រេង។ការដែលលោក សៅ វណ្ណា ហ៊ានធ្វើអ្វីៗតាមអំពើចិត្តគឺអាងមានខ្នងបង្អែករឹងមាំ នៅខេត្តស្វាយរៀង រីឯលោក ពេជ្រ វីរ: ស្នងការដ្ឋាននគរបាលខេត្តស្វាយរៀងនិងលោក ប៉េង ពោធិ៍សា អភិបាលខេត្តស្វាយរៀង រក្សាភាពស្ងៀមស្ងាត់។បណ្ដោយអោយលោក សៅ វណ្ណា នាយប៉ុស្តិ៍នគរបាលច្រកទ្វារតំបន់ព្រំដែនដូង ធ្វើអ្វីៗតាមអំពើចិត្ត ប្រើអំណាចនិងតួនាទីរបស់ខ្លួនប្រមូលលុយតាមរបៀបពុករលួយកាន់តែខ្លាំងឡើងខ្លាំងឡើងៗមិនញញើអ្វីទាំងអស់ ចាប់តាំងពីអំឡុងខែធ្នូចុងឆ្នាំ 2021 រហូតមកដល់បច្ចុប្បន្ន។
ប្រភពពីក្រុមឈ្មួញនិងអាជីវករក៍ដូចប្រជាពលរដ្ឋដែលនាំចូលទំនិញពីប្រទេសវៀត ណាមតាមច្រកទ្វារតំបន់ព្រំដែនដូង ស្រុករមាសហែក ខេត្តស្វាយរៀង បានឲ្យដឹងថាមុខរបររបស់ពួកគាត់សព្វថ្ងៃនេះនៅសល់កម្រៃតិចតូចណាស់ដោយហេតុថា លោក សៅ វណ្ណា នាយប៉ុស្តិ៍នគរបាលច្រកទ្វារតំបន់ព្រំដែនដូង គាបយកលុយច្រើនៗតាមការ កំណត់ដោយគ្មានចេញបង្កាន់ ដៃឬវិក័យប័ត្រត្រឹមត្រូវនោះទេ!ហើយគ្មានឈ្មួញនិងអាជីវករណាហ៊ានតវ៉ាឡើយ។
ទន្ទឹមនិងនេះដែរក្រុមឈ្មួញនិងអាជីវករត្រូវ បង់លុយឲ្យមន្ត្រីគយនិងសមត្ថកិច្ចពាក់ព័ន្ធជាច្រើនស្ថាប័នទៀតដែលនៅប្រចាំការច្រកទ្វារព្រំដែននិងនៅតាមដងផ្លូវធ្វើឲ្យមុខរបររក ទទួលទានរបស់ពួកគាត់ប្រឈមនឹងបញ្ហាលំបាកកាន់តែខ្លាំងឡើងៗថ្មីៗនេះនៅច្រកទ្វារព្រំដែនតំបន់ដូងក្រុមឈ្មួញនិងអាជីវករកំពុងសម្រុកនាំចូលទំនិញគ្រប់ប្រភេទពីប្រទេសវៀតណាមយ៉ាងគំហុក ចំណែកក្រុម មន្រ្តីប្រចាំការច្រកអាចប្រមូលលុយធ្វើមានធ្វើបានយ៉ាងសុខស្រួល ជាពិសេសលោក សៅ វណ្ណា នាយប៉ុស្តិ៍នគរបាលច្រកទ្វារតំបន់ព្រំដែនដូងប្រមូលលុយតាមរបៀបពុករលួយយ៉ាងពេញទំហឹងដោយមានការរួមសហការពីរលោក ឆេង សាវិន មេការិយាល័យគយច្រកទ្វារតំបន់ព្រំដែនដូងដែលមានខ្នងបង្អែករឹងមាំ ទើបអ្វីៗទៅដោយរលូន។
ដែលបញ្ហានេះទើបមានការអំពាវនាវដល់លោកឧត្តមសេនីយ៍ឯក សុខ វាសនា អគ្គនាយកនៃអគ្គនាយកដ្ឋាននគរបាលអន្តោប្រវេសន៍ក្រសួងមហាផ្ទៃ ជាពិសេសអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃនិងលោក ប៉េង ពោធិ៍សា អភិបាលខេត្តស្វាយរៀង នីតិកាលទី៧ មេត្តាពិនិត្យលោក សៅ វណ្ណា នាយប៉ុស្តិ៍នគរបាលច្រកទ្វារតំបន់ព្រំដែនដូងនិងបក្សពួកដែលមានភាពមិនប្រក្រតីពុករលួយនេះផង។ដូច្នេះអង្គភាពប្រឆាំងអំពើពុករលួយ ធ្លាប់ ប្តេជ្ញាលុបបំបាត់អំពើពុករលួយ គួរដាក់មន្រ្តីជំនាញក្រោមឱវាទចុះស្រាវជ្រាវទប់ស្កាត់និងបង្រ្កាបអំពើពុករលួយក្រុមសមត្ថកិច្ចប្រចាំច្រកទ្វារតំបន់ព្រំដែនដូងបន្ទាន់ផង ៕មានត
