ស្វាយរៀង ៖ប្រភពពីប្រជាពលរដ្ឋរស់នៅក្នុងភូមិកណ្តាល សង្កាត់ប្រសាទ ក្រុងបាវិត បានឲ្យដឹងថា ក្រុមឈ្មួញតូចធំមកពីបណ្តាលខេត្តផ្សេងៗសម្រុកដឹកជញ្ជូនទំនិញគេចពន្ធ ផ្ទុកលេីសទម្ងន់ធ្វេីឲ្យរងផលប៉ះ ពាល់ខូចផ្លូវឆ្លងដែនទៅប្រទេសវៀតណាមយ៉ាងគំហុក រីឯលោកនាយប៉ុស្តិ៍និងសមត្ថកិច្ចពាក់ព័ន្ធប្រចាំនៅច្រកព្រំដែនប្រសាទ នាំគ្នារក្សាភាពស្ងៀមស្ងាត់!បណ្ដោយបើកដៃអោយក្រុមឈ្មួញដឹកទំនិញឆ្លងដែនតាមអំពេីចិត្ត។ការដែលពួកឈ្មួញហ៊ានដឹកជញ្ជូនទំនិញគេចពន្ធនិងអេតចាយឆ្លងដែនទៅប្រទេសវៀត ណាម តាមរថយន្តវ៉េអងធំៗឆ្ពោះឆ្លងដែន ទៅប្រទេសវៀតណាមបានយ៉ាងសុខស្រួលបំផុត ដោយឡែកនាយប៉ុស្តិ៍ច្រកព្រំដែនការពារប្រសាទ និងសមត្ថកិច្ចពាក់ព័ន្ធច្រកនេះ មិនទាន់ចាត់វិធានការទប់ស្កាត់នៅ ឡេីយ។
ក្រុមឈ្មួញតូចធំក្នុងខេត្តស្វាយរៀង ដឹកជញ្ជូនទំនិញគេចពន្ធ័ ផ្សេងៗ តាមរថយន្ត វ៉េអងគ្របតង់ជិតៗ ចតនៅចំណុចភូមិកណ្ដាល សង្កាត់ប្រសាទ ក្រុងបាវិត ហេីយមានរថយន្តវៀតណាម ចាំសាងទំនិញដឹកជញ្ជូនទៅប្រទេសវៀតណាមយ៉ាងពេញបន្ទុក រីឯលោកនាយ ប៉ុស្តិ៍នគរបាលច្រក ព្រំដែនប្រាសាទ និងសមត្ថកិច្ចពាក់ព័ន្ធនៅក្នុងខេត្តស្វាយរៀងធ្វើមិនដឹងមិនឬអ្វីទាំងអស់។
ដូច្នេះហើយទើបសមត្ថកិច្ចពាក់ព័ន្ធក្នុងក្រុងបាវិត និងលោក នាយប៉ុស្តិ៍នគរបាលច្រកទ្វារតំបន់ប្រាសាទ អាចប្រើអំណាច និងតួនាទី របស់ខ្លួនប្រមូលលុយបានយ៉ាងច្រើនសន្ធឹកសន្ធាប់ក្នុងមួយខែៗ ប្រហែលជាអាងខ្នងបង្អែករឹងមាំនៅពីក្រោយទេដឹង ទេីបបណ្ដែតបណ្ដោយ ឲ្យបក្សពួកឈ្មួញ ដឹកជញ្ជូនទំនិញ គេចពន្ធគ្របតង់ជិតៗ ឆ្លងដែនទៅប្រទេសវៀតណាមដោយសេរី មិនខ្វល់ពីការរិះគន់អ្វីទាំងអស់។
បញ្ហានេះទេីបប្រជាពលរដ្ឋរស់នៅ ភូមិកណ្ដាលសង្កាត់បាវិត ក្រុងបាវិត អំពាវនាវដល់ថ្នាក់ដឹកនាំក្រសួងមហាផ្ទៃ និង ឯកឧត្តម ប៉េង ពោធិ៍សា អភិបាលខេត្តស្វាយរៀង និង លោក ពេជ្រ វិរះ ស្នងការដ្ឋាននគរបាលខេត្តស្វាយរៀង ពិនិត្យឡេីងវិញខ្លះផង ចំពោះ នាយប៉ុស្តិ៍នគរបាលច្រកព្រំដែនប្រសាទ ព្រមទាំងសមត្ថកិច្ចពាក់ព័ន្ធ ប្រចាំច្រកនេះបណ្ដែតបណ្ដោយ ឲ្យក្រុមឈ្មួញតូច ធំ នាំទំនិញគេចពន្ធតាមប្រភេទរថយន្តវ៉េអងសណ្ដោងវែងៗ ទៅប្រទេសវៀតណាមទាំង យប់ទាំងថ្ងៃ មិនទាន់ឃើញមានសមត្ថកិច្ចជំនាញពាក់ព័ន្ធណាមានវិធានការត្រួតពិនិត្យទប់ស្កាត់និងបង្រ្កាបនៅឡើយទេ៕មានត
