បន្ទាយមានជ័យ ៖ ប្រភពពីកូនទាហានតូច តាចអត់លិឌ្ឍនិងប្រជាពលរដ្ឋរស់នៅតំបន់នោះបានអោយដឹងថាលោកវរសេនីយ៍ទោ អ៊ុន ចាន់ មេបញ្ជាការរងកងការពារព្រំដែន លេខ ៥០៣ កំពុងមានចិត្តថ្លេីមពាសមេឃហ៊ានបើក ដៃឲ្យជនជាតិថៃនិងក្រុមឈ្មួញ សម្រុកនាំចូលទំនិញគ្រប់ប្រភេទពីប្រទេស ថៃ ចូលមកប្រទេសកម្ពុជា តាមច្រករបៀងព្រំដែនអូរបីជាន់ ដេីម្បីចែកចាយបន្តឲ្យអាជីវករតាមបន្ទាត់ព្រំដែន តាមទីផ្សារក្នុងខេត្តបន្ទាយមានជ័យ និងតាមបណ្តាខេត្តនានា និងឆ្ពោះទៅរាជធានីភ្នំពេញផងដែរ ដោយផ្គើននឹងបទបញ្ជារបស់ថ្នាក់ខេត្ត និងសេចក្តីណែនាំពីក្រសួងមហាផ្ទៃយ៉ាងគឃ្លើន ។
ប្រភពបន្តថាករណីលោកវរសេនីយ៍ទោ អ៊ុន ចាន់ មេបញ្ជាការកងការពារព្រំដែនលេខ ៥០៣អនុវត្តហាក់មើលស្រាលដល់បទបញ្ជាថ្នាក់ខេត្ត និងសេចក្តីណែនាំរបស់ប្រមុខរាជរដ្ឋាភិបាលកម្ពុជា បានហាម ប្រាមបែរជាអនុវត្តផ្ទុយទាំងស្រុង។ គួររម្លឹកថា បទបញ្ជារបស់គណៈបញ្ចាការឯកភាពខេត្ត ក៏ដូចសេចក្តីណែនាំរបស់ក្រសួងមហាផ្ទៃ និងអនុសាសន៍សម្តេចបវរធិបតីហ៊ុន ម៉ាណែត សុទ្ធតែបានដាក់កំហិតដល់ស្ថាប័នមានសមត្ថកិច្ចការពារព្រំដែនទាំងនគរបាល និងយោធាចូលរួមទប់ស្កាត់បទល្មើសឆ្លងដែនពី តាមច្រករបៀងព្រំដែនខ្មែរ-ថៃ ដើម្បីពង្រឹងសន្តិសុខ ទប់ស្កាត់បទឧក្រឹដ្ឋឆ្លងដែនអំពើចោរកម្មឆ្លងដែន ទំនិញគេចពន្ធគ្រឿងញៀនគ្រប់ប្រភេទការរត់ពន្ធមនុស្សនៅតាមខ្សែបន្ទាត់ព្រំដែន ប្រកបដោយមាន ប្រសិទ្ធភាព។
ឯកឧត្តអភិសន្តិបណ្ឌិត ស សុខា ឧបនាយករដ្ឋមន្រ្តីរដ្ឋមន្ត្រីក្រសួងមហាផ្ទៃ បានលើកឡើងជម្រាបទៅដល់កងកម្លាំងទាំងអស់តាមព្រំដែនថា «ត្រូវបិទច្រករបៀងខុសច្បាប់ទាំងអស់ ក្នុងដែនសមត្ថកិច្ចរបស់ខ្លួន»។ បើក្នុងករណីចាំបាច់ត្រូវធ្វើការសិក្សាស្រាវជ្រាវ និង វាយតម្លៃលើសក្តានុពលសេដ្ឋកិច្ច និងសង្គមរបស់ច្រកដែល មានស្រាប់សិន រួចលើកសំណើមកក្រសួងមហាផ្ទៃ ដើម្បីមានមូលដ្ឋានសិក្សា និងលើកយោបល់ ជូនថ្នាក់ដឹកនាំពិនិត្យ និងសម្រេច ក្នុងការបង្កើតជាច្រកទ្វារព្រំដែនផ្លូវការ។
ចំណែកលោកវរសេនីយ៍ទោ អ៊ុន ចាន់ មេបញ្ជាការកងការពារព្រំដែនលេខ៥០៣ បែរ ជាមិនស្តាប់ថ្នាក់ដឹកនាំប្រទេសឡើយ សព្វថ្ងៃនៅច្រករបៀង អូរបីជាន់ កំពុងបើកដៃឲ្យក្រុមឈ្មួញ និងជនជាតិថៃ នាំទំនិញពីថៃចូលមកកម្ពុជាជាហូហែរ ទាំងថ្ងៃទាំងយប់ត្រង់ចំណុច ភូមិអូរបីជាន់ ឃុំអូរបីជាន់ ស្រុកអូរជ្រៅ ជាភូមិសាស្ត្រដែលយោធភូមិភាគទី៥ ប្រគល់អោយលោកវរសេនីយ៍ទោ អ៊ុន ចាន់ មេបញ្ជាការរងកងការពារព្រំដែនលេខ៥០៣ នៃ យោធភូមិភាគ ទី៥ គ្រប់គ្រង។
ដូច្នេះលោកវរសេនីយ៍ទោ អ៊ុន ចាន់ មេបញ្ជាការកងការពារព្រំដែនលេខ៥០៣ បានបើក ដៃឲ្យឈ្មួញនាំទំនិញគេចព័ន្ធជាច្រើនប្រភេទ សាច់មាន់ ខូចគុណភាពគ្រឿងក្នុងជ្រូក ម៉ូតូ ដោយមិនមានការត្រួតពិនិត្យ និងទំនិញដែលត្រូវហាមឃាត់មិនអោយនាំចូលច្រកទ្វេភាគី និងច្រកអន្តរជាតិបិតខ្ទប់ តែត្រូវនាំចូលបានយ៉ាងរលូនតាមច្រករបៀងអូរបីជាន់ ដែលកាន់កាប់ដោយលោកវរសេនីយ៍ទោ អ៊ុន ចាន់ មេបញ្ជាការកងការពារព្រំដែន លេខ៥០៣ ផ្គើនយ៉ាងគឃ្លើនអត់កោតក្រែងអ្វីទាំងអស់ ។
តាមប្រភពបានឲ្យដឹងថា នៅច្រករបៀងអូរបីជាន់ មានស្ថាប័នមួយចំនួនឈរជើងប្រចាំច្រករបៀងនេះដែរ ហើយឈ្មួញបានបង់ លុយឲ្យស្ថាប័ន គយ នគរបាល សេដ្ឋកិច្ចខេត្ត ប្រចាំច្រកខាងលើនោះដោយប្រើមាត់ជាវិក្កយបត្រ័ ឬហៅថា បង់ប្រាក់តាមការចរចារព្រមព្រៀងគ្នា បង់រួចអាចនាំទំនិញចេញ ឬនាំចូលទៅមកបានយ៉ាងរលូននៅតាមច្រករបៀងនេះ នៅតែដំណើរការរហូតដល់បច្ចុប្បន្នដែលគេសង្ស័យថា មានការត្រូវគ្នាជាមួយអាជ្ញាធរ មន្ត្រីជំនាញ ក្នុងមូលដ្ឋានទើបបើកឲ្យទំនិញនាំចូលមិនបានបង់ពន្ធដល់សព្វថ្ងៃនេះ។
ចំណែកលោក រឿង សារិត មេបញ្ជារការកងការពារព្រំដែនលេខ៥០៣ មើលទៅត្រូវគេសង្ស័យថា កំពុងបើកដៃអោយលោកវរសេនីយ៍ទោ អ៊ុន ចាន់ ជាមេបញ្ជាការរងកងការពារព្រំដែនលេខ៥០៣ ប្រព្រឹត្តផ្ទុយពីបទបញ្ជាថ្នាក់ដឹកនាំកំពូលផងដែរ ទើបលោកវរសេនីយ៍ទោ អ៊ុន ចាន់ មេបញ្ជាការរងកងការពារព្រំដែនលេខ៥០៣ អាចឃុបឃិតបើកច្រកដោយសេរីបែបនេះ។
ករណីនេះតើលោកឧត្ដមសេនីយ៍ឯក ឯក សំំអូន មេបញ្ជាការយោធភូមិភាគទី៥ បានជ្រាបដែរឬ?អំពីការបើកច្រករបៀងអូរ៣ ជាន់របស់លោកវរសេនីយ៍ទោ អ៊ុន ចាន់ មេបញ្ជាការរងកងការពារព្រំដែនលេខ៥០៣ ដែលអនុញាត្តិឲ្យឈ្មួញខ្មែរ.ថៃ នាំចូលទំនិញចូលដោយសេរីទាំងយប់ទាំងថ្ងៃ ផ្គើនទាំងបំរាមថ្នាក់ដឹកនាំកំពូលនេះដែរឬទេ? ។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោកវរសេនីយ៍ទោ អ៊ុន ចាន់ មេបញ្ជាការរងកងការពារព្រំដែនលេខ៥០៣ នៃយោធភូមិភាគទី៥ រាល់ម៉ោងធ្វើការ៕មានត
