ខេត្តព្រៃវែង៖ ប្រធាននិងអនុប្រធានស្ថានីយ៍ ជញ្ជីងថ្លឹងរថយន្តនៅលើផ្លូវជាតិលេខ១ ចំណុចភូមិក្រសារជេទ ឃុំរំចេក ស្រុកព្រះស្ដេច ខេត្តព្រៃវែង ប្រែក្លាយទៅជាជញ្ជីងថ្លឹងលុយទាំយប់ទាំងថ្ងៃ ប្រព្រឹត្តរបៀបអំពើ ពុករលួយ។ក្រុមអ្នករកស៊ីដឹកទំនិញឆ្លងកាត់ផ្លូវជាតិលេខ១ តែងតែរអ៊ូរទាំ និងមន្ត្រីប្រចាំការនៅស្ថានីយ៍ជញ្ជីងថ្លឹងរថយន្ត ផ្លូវជាតិ លេខ១ចំណុចភូមិក្រសាជេទ ឃុំរំចេក ស្រុកព្រះស្ដេចថា ជាស្ថានីយ៍ជញ្ជីងថ្លឹងថ្លឹងលុយទាំងថ្ងៃ ទាំងយប់ប្រព្រឹត្តអំពើពុករលួយ។បើទោះបីជារថយន្តដឹកលើសទម្ងន់ឬមិនលើស ទម្ងន់ក៏ត្រូវបង់លុយតាបការកំណត់អោយក្រុមមន្រ្តីប្រចាំការនៅទីនោះថ្លៃបាយទឹកនិងកាហ្វេផងដែរ វាក្លាយទៅជាទម្លាប់ដែលគួរឲ្យស្អប់ខ្ពើមបំផុត? សួរថាតើមន្ត្រីបំរើការងារនៅស្ថានីយ៍ជញ្ជីថ្លឹងរថយន្តផ្លូវជាតិលេខ១ ចំណុ ចភូមិក្រសាជេទ ឃរំចេក ស្រុកព្រះស្ដេច មិនបានទទួលប្រាក់បៀវត្សទេឬ? បានជាប្រធានស្ថានីយ៍ជញ្ជីងថ្លឹងរថយន្តនីមួយៗតែងប្រើវិធីសាស្រ្តគ្រប់បែបយ៉ាងប្រព្រឹត្តរបៀបអំពើពុករលួយ។
ប្រភពពីមន្ត្រីនៅមន្ទីរសាធារណការនិងដឹកជញ្ជូនខេត្ត បានអោយដឹងថា ដោយសាមានការឃុបឃិតគ្នាជាប្រព័ន្ធពីថ្នាក់ដឹកនាំបើកភ្លើងខៀវពីសំណាក់លោក អ៊ុន សុធា ប្រធានមន្ទីរសាធារណការនិងដឹកជញ្ជូនខេត្តព្រៃវែ ទើបប្រធាននិងអនុប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ១ ចំណុចភូមិក្រសាជេទ ឃុំរំចេកស្រុកព្រះស្ដេច ខេត្តព្រៃវែង ប្រែក្លាយទៅជាស្ថានីយ៍ជញ្ជីងថ្លឹងលុយទាំងថ្ងៃទាំង យប់ មិនខ្វល់ការរិះគន់ពីមហាជនអ្វីទាំងអស់ ។ហើយរកវិធីសាស្រ្តគ្រប់បែប យ៉ាងដើម្បីប្រមូលលុយឲ្យបានច្រើនៗពីព្រោះវាជាមុខមាត់របស់ស្ថានីយ៍ជញ្ជីងថ្លឹងរថយន្តផង និងមានចំណូលដាក់ក្នុងហោប៉ៅចែកគ្នាធ្វើមានធ្វើបានយ៉ាងសុខស្រួលផង។
ក្រុមអ្នកបើករថយន្តភាគច្រើនបានព្យាយាម បើករថយន្តគេចវាងតាមផ្លូវផ្សេងៗពីព្រោះតែមន្ត្រីនៅប្រចាំការនៅស្ថានីយ៍ជញ្ជីងថ្លឹងរថយន្តចំណុចមួយនេះទារលុយច្រើនៗបើទោះបីមានការលើសទម្ងន់បន្តិចបន្តួចក៏មន្រ្តីនៅទីនោះហាមាត់លូក ដៃសុំលុយថ្លៃបាយទឹកកាហ្វេប្រចាំថ្ងៃផងដែរ។ ក្រុមអ្នករកស៊ី ដឹកទំនិញទទួលស្គាល់ថា ការដឹកជញ្ជូនអាចមានលើសទម្ងន់បន្តិចបន្តួច មិនដល់ថ្នាក់រាប់តោននោះទេ។ ប៉ុន្តែពួកមន្ត្រីដែលប្រចាំការនៅស្ថានីយ៍ជញ្ជីងថ្លឹងរថយន្ត ចំណុចឃុំរំចេក ស្រុកព្រះស្ដេច បន់ឲ្យតែមានរថយន្ត លើសទម្ងន់ដើម្បីសង្កត់យកលុយតែប៉ុណ្ណោះ ។
ពាក់ព័ន្ធមន្ត្រីនៅស្ថានីយ៍ជញ្ជីងថ្លឹងរថយន្តនៅលើផ្លូវជាតិលេខ ១នៅចំណុច ភូមិក្រសាជេទ ឃុំរំចេក ស្រុកព្រះស្ដេច ខេត្ត ព្រៃវែងនេះពិតជាបង្កឲ្យមានការក្តៅក្រហាយដល់អ្នករកស៊ីដឹកទំនិញនានាហើយជាពិសេ សពួកអ្នកដឹកទំនិញមួយចំនួនឆ្លៀត ឱកាស វាងផ្លូវ ដែលបណ្ដាលឲ្យផ្លូវដទៃទៀតខូច ខាត។ រីឯក្រុមមន្ត្រីដែលប្រចាំការនៅទីនោះតម្រូវអោយឈ្មួញនិងអាជីវករបង់លុយតាមការកំណត់របស់ប្រធាននិងអនុប្រធានមិនអាចតវ៉ាបានទោះបីមិនលើសទម្ងន់ឬលើសតិចតួចក៏ដោយត្រូវតែបង់មិនរំលងបាន។នៅពេលដែលពួក គេរកលុយបានច្រើនគឺជាមោទ នភាពដោយមិនដឹងថាលុយដែលបានច្រើនគឺជាការបំផ្លាញផ្លូវនោះឡើយ ។
ហេតុនេះលោក ប៉េង ពោធិ៍នា រដ្ឋមន្រ្តីក្រសួងសាធារណការនិងដឹកជញ្ជូននិងលោក សេង ឈួន មេស្ថានីយ៍ជញ្ជីងថ្លឹងរថយន្តទូទាំងប្រទេសគួរពិនិត្យស្រាវជ្រាវប្រធាននិងអនុប្រធានស្ថានីយ៍ជញ្ជីងថ្លឹងផ្លូវជាតិលេខ១ភូមិក្រសាជេទ ឃរំចេក ស្រុកព្រះស្ដេច ខេត្តព្រៃវែងផង!ជាពិសេសលោក ឱម យ៉ិនទៀង ប្រធានអង្គភាពប្រឆាំងអំពើពុករលួយធ្លាប់ ប្តេជ្ញាលុប បំបាត់អំពើពុករលួយនូវតាមដងផ្លូវ ចាត់វិធានការប្រធាននិងអនុប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ១ ភូមិក្រសាជេទ ឃុំរំចេក ស្រុកព្រះស្ដេច ខេត្តព្រៃវែងនិងបក្សពួក ប្រែក្លាយទៅជាស្ថានីយ៍ ជញ្ជីងថ្លឹងលុយទាំងយប់ទាំងថ្ងៃ ប្រព្រឹត្តរបៀបអំពើពុករលួយ៕មានត
