ស្វាយរៀង៖ ប្រភពពីអ្នករកស៊ីដឹកជញ្ជូនទំនិញឆ្លងកាត់ផ្លូវជាតិលេខ១ភូមិកំពោតជ្រូក សង្កាត់ព្រៃអង្គាញ់ ក្រុងបាវិតខេត្តស្វាយរៀង តែងតែរអ៊ូរទាំអំពីករណីមន្ត្រីដែលប្រចាំការនៅស្ថានីយ៍ជញ្ជីងថ្លឹងររថយន្តផ្លូវជាតិលេខ១ ភូមិកំពោតជ្រូក សង្កាត់ព្រៃអង្គាញ់ ក្រុងបាវិត ខេត្តស្វាយរៀង ប្រែក្លាយទៅជាស្ថានីយ៍ជញ្ជីងថ្លឹងលុយទាំងយប់ទាំងថ្ងៃប្រព្រឹត្តរបៀបអំពើពុករលួយ។បើទោះប្បីជារថយន្តទាំងនោះដឹកទំនិញមិនលើសទម្ងន់ក៏ក្រុមមន្ត្រីនៅស្ថានីយ៏ជញ្ជីងថ្លឹងរថយន្តដែលប្រចាំការនៅទីនោះគាបយកលុយតាមការកំណត់មិនអាចរំលងបាន។
ប្រភពពីក្រុមឈ្មួញតូចធំដឹកជញ្ជូនទំនិញឆ្លងកាត់ស្ថានីយ៍ជញ្ជីងថ្លឹងរថយន្ដផ្លូវជាតិ លេខ ១ សង្កាត់ព្រៃអង្គាញ់បានឲ្យដឹងថា រថយន្តដឹកលេីសទម្ងន់ឬមិនលេីសទម្ងន់ក៍ត្រូវប្រធានស្ថានីយ៍ជញ្ជីងថ្លឹងតម្រូវឲ្យបង់ លុយតាមការកំណត់មិនអាចតវ៉ាបាន ដោយមានការបើកដៃពីសំណាក់ប្រធានមន្ទីរសាធារណការនិងដឹកជញ្ជូនខេត្តស្វាយរៀងផង ដែរ !ទើបប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ១ ភូមិកំពោតជ្រូក សង្កាត់ព្រៃអង្គាញ់ ក្រុងបាវិត ខេត្តស្វាយរៀង ហ៊ានធ្វេីអ្វីៗតាមអំពេីចិត្ត។
បើតាមប្រភពពីមន្ត្រីមន្ទីរសាធារណការនិងដឹកជញ្ជូនខេត្តស្វាយរៀង បានបង្ហើបអោយដឹងថា ដោយសារមានការឃុបឃិតគ្នាជាប្រព័ន្ធពីថ្នាក់ដឹកនាំមន្ទីរ ទើបក្រុមមន្ត្រីនៅស្ថានីយ៍ជញ្ជីងថ្លឹងរថយន្តផ្លូវជាតិលេខ ១ សង្កាត់ព្រៃអង្គាញ់ ក្រុងបាវិត រកវិធីសាស្រ្តគ្រប់បែបយ៉ាងដើម្បីប្រមូលលុយឲ្យបានច្រើន ពីព្រោះវាជាមុខមាត់របស់ស្ថានីយ៍ ជញ្ជីងថ្លឹងរថយន្តផងនិងមានចំណូលដាក់ក្នុងហោប៉ៅចែកគ្នាធ្វើមានធ្វើបានយ៉ាងសុខស្រួលផង។ ក្រុមអ្នកបើករថយន្តភាគច្រើនបានព្យាយាមបើកគេចវាងតាមផ្លូវផ្សេងព្រោះតែក្រុមមន្ត្រីនៅប្រចាំការនៅស្ថានីយ៍ជញ្ជីងថ្លឹងរថយន្តផ្លូវជាតិលេខ១ភូមិកំពោតជ្រូក សង្កាត់ព្រៃអង្គាញ់ ក្រុងបាវិត ខេត្តស្វាយរៀងមួយកន្លែងនេះទារលុយច្រើនៗពេកបើទោះបីជាមានការលើសទម្ងន់បន្តិចបន្តួចក៏ដោយ។
ជាងនេះទៅទៀតបើរថយន្តដឹកមិនលើសទម្ងន់ក៏មិនត្រូវហា មាត់លូកដៃសុំលុយថ្លៃបាយទឹកកាហ្វេប្រចាំថ្ងៃ ព្រោះអ្នករកស៊ីដឹកទំនិញទទួលស្គាល់ថា ការដឹកជញ្ជូនអាចមានលើសទម្ងន់បន្តិចបន្តួច ប៉ុន្តែមិនអាច លើសដល់ថ្នាក់រាប់តោននោះទេ ។រីឯពួកមន្ត្រីដែលប្រចាំការនៅស្ថានីយ៍ជញ្ជីងថ្លឹងរថយន្តនៅចំណុចនោះបន់ឲ្យតែមានរថយន្តដឹកទំនិញលើសទម្ងន់ដើម្បីសង្កត់កយកលុយតែ ប៉ុណ្ណោះ។បញ្ហាពួកមន្ត្រីនៅស្ថានីយ៍ជញ្ជីងថ្លឹងរថយន្តនៅទីនេះពិតជាបង្កឲ្យមានការក្តៅ ក្រហាយដល់អ្នករកស៊ីដឹកជញ្ជូនទំនិញនានាជាពិសេសពួកអ្នកដឹកទំនិញមួយចំនួនឆ្លៀតឱកាសវាងផ្លូវ ដែលបណ្ដាលឲ្យផ្លូវដ៍ទៃទៀតនឹងស្ពានថ្នល់ខូចខាតជាបន្ដបន្ទាប់។
បញ្ហានេះហើយទើបក្រុមអ្នកបើកបររថយន្តនឹងឈ្មួញរកសុីដឹកជញ្ជូនទំនិញតូចធំស្នើដល់ លោក ប៉េង ពោធិ៍នា រដ្ឋមន្ត្រីក្រសួងសាធារណការនិងដឹកជញ្ជូននិងលោក សេង ឈួន រដ្ឋលេខាធិការក្រសួងសាធារណៈការនិងដឹកជញ្ជូននិងជាប្រធានគណៈកម្មការ សម្របសម្រួលស្ថានីយ៍ជញ្ជីងថ្លឹងរថយន្តចល័តទូទាំងប្រទេស រួមនឹងលោក ប៉េង ពោធិ៍សា អភិបាលខេត្តស្វាយរៀងជាពិសេសលោក ឱម យ៉ិនទៀង ប្រធានអង្គភាពប្រឆាំងអំពើពុករលួយធ្លាប់ប្តេជ្ញាលុបបំបាត់អំពើពុករលួយតាមដងផ្លូវ មិនគួរបណ្ដែតបណ្ដោយឲ្យប្រធានក្រុមស្ថានីយ៍ជញ្ជីងថ្លឹងរថយន្តផ្លូវជាតិលេខ ១ភូមិកំពោតជ្រូក សង្កាត់ព្រៃអង្គាញ់ ក្រុងបាវិត ខេត្តស្វាយរៀងនិងបក្សពួក ប្រែក្លាយទៅជាជញ្ជីងថ្លឹងលុយទាំងយប់ទាំងថ្ងៃ ប្រព្រឹត្តរបៀបអំពើចិត្តតទៅទៀត ៕មានត
