ស្វាយរៀង៖ប្រភពពីមន្ត្រីនៅច្រកទ្វារតំបន់ព្រំដែនដូងស្រុករមាសហែក ខេត្តស្វាយរៀង បានអោយដឹងថា លោក សៅ វណ្ណា នាយប៉ុស្តិ៍នគរបាលច្រកទ្វារតំបន់ព្រំដែនដូងបើក ដៃឲ្យក្រុមឈ្មួញតូច ធំ សម្រុកដឹកជញ្ជូនទំនិញគេចពន្ធ ទំនិញបង់ពន្ធមិនគ្រប់និងទំនិញខុសច្បាប់ពីប្រទេសវៀតណាមចូល មកប្រទេសខ្មែរទាំងយប់ទាំងថ្ងៃយ៉ាងគគ្រឹកគ្រេងគ្មានការទប់ស្កាត់។ការដែលលោក សៅ វណ្ណា ហ៊ានធ្វើអ្វីៗតាមអំពើចិត្តបានដោយ សារអាងមានខ្នងបង្អែករឹងមាំនៅខេត្តស្វាយរៀង ចំណែកឯលោក ពេជ្រ វីរ: ស្នងការដ្ឋាននគរបាលខេត្តស្វាយរៀង និង លោក ប៉េង ពោធិ៍សា អភិបាលខេត្តស្វាយរៀង រក្សាភាពស្ងៀមស្ងាត់ បណ្ដោយអោយលោក សៅ វណ្ណា នាយប៉ុស្តិ៍នគរបាលច្រកទ្វារតំបន់ព្រំដែនដូងធ្វើអ្វីៗតាមអំពើចិត្ត យកអំណាចនិងតួនាទីប្រមូលលុយដាក់ហោប៉ៅធ្វើមានធ្វើបានប្រព្រឹត្តរបៀបអំពើពុករលួយកាន់តែខ្លាំងឡើងខ្លាំងឡើងៗចាប់តាំងពីអំឡុងខែធ្នូចុងឆ្នាំ ២០២១រហូតមកដល់បច្ចុប្បន្ន ។
ប្រភពពីក្រុមឈ្មួញនិងអាជីវករក៍ដូចប្រជាពលរដ្ឋដែលនាំ ចូលទំនិញពីប្រទេសវៀត ណាមតាមច្រកទ្វារតំបន់ព្រំដែនដូងស្រុករមាសហែក ខេត្តស្វាយរៀងបានបង្ហើបអោយថា មុខរបររបស់ពួកគាត់សព្វថ្ងៃនេះនៅសល់កម្រៃតិចតូចណាស់ដោយហេតុថា មន្រ្តីនគរបាលក្រោមឱវ៉ាទរបស់លោក សៅ វណ្ណា នាយប៉ុស្តិ៍នគរបាលច្រកទ្វារតំបន់ព្រំដែនដូង គាបយកលុយច្រើនៗតាមការកំណត់គ្មានបង្កាន់ដៃឬវិក័យប័ត្រពន្ធរដ្ឋត្រឹមត្រូវនោះទេ!ហើយគ្មានឈ្មួញនិងអាជីវករ ណាហ៊ានតវ៉ាបានឡើយ។
ទន្ទឹមនិងនេះដែរក្រុមឈ្មួញនិងអាជីវករបង់ លុយឲ្យមន្ត្រីគយនិងសមត្ថកិច្ចពាក់ព័ន្ធជា ច្រើនស្ថាប័នទៀតដែលនៅប្រចាំការច្រកទ្វារព្រំដែននិងនៅតាមដង ផ្លូវធ្វើឲ្យមុខរបររកទទួលទានរបស់ពួកគាត់ប្រឈមនឹងបញ្ហាលំបាកកាន់តែខ្លាំងឡើងៗថ្មីៗនេះនៅច្រកទ្វារតំបន់ព្រំដែនដូងក្រុមឈ្មួញនិងអាជីវករកំពុងសម្រុកនាំចូលទំនិញគ្រប់ប្រភេទពីប្រទេសវៀតណាមយ៉ាងគំហុកចំណែកក្រុម មន្រ្តីប្រចាំការច្រកអាចប្រមូលលុយធ្វើមានធ្វើបានយ៉ាងសុខស្រួលជាពិសេសលោក សៅ វណ្ណា ប្រមូលលុយតាមរបៀបពុក រលួយយ៉ាងពេញទំហឹងដោយមានការរួមសហការពីរលោក ឆេង សាវិន មេការិយា ល័យគយច្រកទ្វារតំបន់ព្រំដែនដូងដែលមានខ្នងបង្អែករឹងមាំ ទើបអ្វីៗទៅដោយរលូន។
ហេតុនេះហើយទើបមានការអំពាវនាវដល់ឯកឧត្តមអភិសន្តិបណ្ឌិត ស សុខា ឧបនា យករដ្ឋមន្ត្រី រដ្ឋមន្ត្រីក្រសួងមហាផ្ទៃ.លោកឧត្តមសេនីយ៍ឯក សុខ វាសនា អគ្គនាយកនៃអគ្គនាយកដ្ឋាននគរបាលអន្តោប្រវេសន៍ក្រសួងមហាផ្ទៃនិងលោក ប៉េង ពោធិ៍សា អភិបាលខេត្តស្វាយរៀង នីតិកាលទី៧ គួរពិនិត្យស្រាវជ្រាវអោយសុីជម្រៅលោក សៅ វណ្ណា នាយប៉ុស្តិ៍នគរបាលច្រកទ្វារតំបន់ព្រំដែនដូងនិងបក្សពួក ដែលមានភាពមិនប្រក្រតីប្រព្រឹត្តរបៀបអំពើពុករលួយនេះផង។ហេតុដូច្នេះលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ ធ្លាប់ប្តេជ្ញាលុបបំបាត់អំពើពុករលួយ ចាត់មន្រ្តីជំនាញក្រោមឱវាទចុះស្រាវជ្រាវទប់ស្កាត់និងបង្រ្កាបអំពើ ពុករលួយក្រុមសមត្ថកិច្ចប្រចាំច្រកទ្វារតំបន់ព្រំដែនដូងបន្ទាន់ផងទាន ៕មានត
