ត្បូងឃ្មុំ ៖ ប្រភពពីក្រុមឈ្មួញនិងអាជីវករដែលនាំចូលបន្លែផ្លែឈើនិងទំនិញផ្សេងទៀតពីប្រទេសវៀតណាមតាមច្រកទ្វារព្រំដែនអន្តរជាតិត្រពាំងផ្លុង បានអោយដឹងថា លោក ស ថេន នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិត្រពាំងផ្លុង ពង្រាយមន្ត្រីនគរបាលក្រោមឱវាទនិងជនស៊ីវិល គាបយកលុយពីក្រុមអាជីវករនិងឈ្មួញដឹកបន្លែផ្លែឈើចេញពីប្រទេសវៀតណាមចូលមកប្រទេសខ្មែរយ៉ាងពេញបន្ទុក ប្រព្រឹត្តរបៀបអំពើពុករលួយ សម្រាប់១រ៉ឺម៉ក ត្រូវបង់លុយចាប់ពី៨ម៉ឺនរៀល ទៅ១០ម៉ឺនរៀល .រថយន្តសាំយ៉ុងត្រូវបង់ចាប់ពី២០ម៉ឺនរៀលទៅ៣០ ម៉ឺនរៀល និងរថយន្តធំបង់ចាប់ពី៣០មុឺនរៀលទៅ៥០ មុឺនរៀល តាមការកំណត់របស់លោកនាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិត្រពាំងផ្លុង ជាកំហិតមិនអាចតវាបាន។
បើតាមប្រភពពីក្រុមឈ្មួញនិងអាជីវករបានបន្តថា លោក ស ថេន នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិត្រពាំងផ្លុង កាន់តំណែងដុះស្លែ ប្រព្រឹត្តរបៀបអំពើពុករលួយពង្រាយមន្រ្តីនគរបាលក្រោមឱវាទនិងជនសុីវិលគាបយកលុយពីពួកគាត់ដោយគ្មានការយោគយល់ឡើយ ហើយបើកដៃអោយមេឈ្មួញធំៗនាំចូលទំនិញគេចពន្ធ ទំនិញបង់ ពន្ធមិនគ្រប់នឹងទំនិញខុសច្បាប់តាមអំពើចិត្ត មិនញញើតអ្វីទាំងអស់។
ហេតុនេះហើយទើបក្រុមឈ្មួញនិងអាជីវករនាំគ្នាអំពាវនាវដល់ថ្នាក់ដឹកនាំក្រសួងស្ថាប័នពាក់ព័ន្ធជាពិសេសឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃនិងលោកឧត្តមសេនីយ៍ឯក សុខ វាសនា អគ្គនាយកនៃអគ្គនាយកដ្ឋាននគរ បាលអន្តោប្រវេសន៍នៃក្រសួងមហាផ្ទៃ មេត្តាពិនិត្យទប់ស្កាត់ភាពមិនប្រក្រតីប្រព្រឹត្តរបៀបអំពើពុករលួយរបស់លោក ស ថេន នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិត្រពាំងផ្លុងនិងបក្ខពួក ផងទាន។
ប្រភពដដែលបានបន្តអោយដឹងទៀតថា បន្លែផ្លែឈើនិងទំនិញដែលឈ្មួញនាំចូលពីប្រទេសវៀតណាមតាមច្រកទ្វារព្រំដែនអន្តរ ជាតិត្រពាំងផ្លុង បច្ចុប្បន្ននេះប្រឈមនឹងការលំបាកកាន់តែខ្លាំងឡើងៗដោយសារសមត្ថកិច្ចច្រើនស្ថាប័នប្រចាំការនៅច្រកនិងសមត្ថកិច្ចតាមដងផ្លូវគាបយកលុយលើតុក្រោមតុច្រើនៗតាមការកំណតមិនអាចរំលងបានធ្វើអោយពួកគាត់ជួបហានីភ័យខ្លាំងជាងពេលមុនៗ។
បញ្ហានេះដែលលោកឧត្តមសេនីយ៍ឯក សុខ វាសនា អគ្គនាយកនៃអគ្គនាយកដ្ឋាននគរ បាលអន្តោប្រវេសន៍ គួរដាក់មន្រ្តីជំនាញក្រោមឱវាទចុះស្រាវជ្រាវទប់ស្កាត់ភាពមិនប្រក្រតីប្រព្រឹត្តរបៀបអំពើពុករលួយរបស់លោក ស ថេន នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិត្រពាំងផ្លុងនិងបក្សពួកផង។ មួយរយៈចុងក្រោយនេះលោក ស ថេន ពង្រាយមន្រ្តីនគរបាលក្រោមឱវាទនិងជនសុីវិល អង្គុយចាំរាប់ក្បាលរថយន្តឈ្មួញដឹកទំនិញពីប្រទេសវៀតណាមចូលមកប្រទេសខ្មែរគាបយកលុយតាមអំពើចិត្ត គ្មានឈ្មួញឬអាជីវករណាហ៊ានតវ៉ាជា មួយលោក ស ថេន នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិត្រពាំងផ្លុងដ៍មហិមាបានឡើយ ។
ប្រភពមន្រ្តីដែលស្និតលោក ស ថេន នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិត្រពាំងផ្លុងបានបង្ហើបអោយដឹង ទៀថា ដោយសារអាងមានខ្នងបង្អែករឹងមាំ នៅពីក្រោយចាំជួយទើបលោក ស ថេន ហ៊ានធ្វើអ្វីៗតាមអំពើចិត្តដោយគ្មានញញើត អង្គភាពប្រឆាំងអំពើពុករលួយឡើយ។
ចំណែកលោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ និងលោក ប៉ែន កុសល អភិបាលខេត្តត្បូងឃ្មុំរក្សាភាពស្ងៀមស្ងាត់!បណ្ដោយលោក ស ថេន នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរ ជាតិត្រពាំងផ្លុងធ្វើអ្វីៗតាមអំពើចិត្តព្រោះដឹងថាលោក ស ថេន នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិត្រពាំងផ្លុងមានខ្នងបង្អែកក្រាស់គ្រែលទើបហ៊ានធ្វើទង្វើមិនប្រក្រតីប្រព្រឹត្តរបៀបអំពើពុករលួយត្រូវបានលាតត្រដាងជាបន្តបន្ទាប់។ដែលបញ្ហានេះទើបក្រុមអាជីវករអំពាវនាវដល់លោក ឱម យ៉ិនទៀង ប្រធានអង្គភាពប្រឆាំងអំពើ ពុករលួយធ្លាប់ប្ដេជ្ញាលុបបំបាត់អំពើពុក រលួយនូវតាមដងផ្លូវ គួរចាត់មន្ត្រីជំនាញក្រោមឱវាទចុះស្រាវជ្រាវ ភាពមិនប្រក្រតីប្រព្រឹត្តរបៀបអំពើពុករលួយរបស់លោក ស ថេន នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិត្រពាំងផ្លុងផងទាន។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោក ស ថេន នាយប៉ុស្តិ៍នគរ បាលអន្តោប្រវេសន៍ច្រកទ្វារព្រំដែនអន្តរជាតិត្រពាំងផ្លុង រាល់ម៉ោងធ្វើការ៕មានត
