ព្រៃវែង៖ ប្រភពពីអាជីវករនិងឈ្មួញរកស៊ី ដឹកជញ្ជូនស្រូវចូលទៅប្រទេសវៀតណាមបានអោយដឹងថា លោកវរសេនីយ៍ឯក ណាំ សុវណ្ណារ៉ា នាយប៉ុស្តិ៍នគរបាលច្រកទ្វារព្រំដែនអន្តរជាតិបន្ទាយចក្រី ប្រព្រឹត្តរបៀបអំពើពុករលួយដាក់ពង្រាយមន្រ្តីនគរបាលក្រោមឱវាទនិងប្រើជនសុីវិលរបស់ខ្លួនឱ្យដើរប្រមូលលុយពីរថយន្តដឹកស្រូវចូលទៅលក់នៅប្រទេសវៀតណាម ក្នុង ១ ជើងៗចំនួន ៣០.០០០មុឺន រៀលជាកំហិតនិងគាបយក លុយពីជនជាតិវៀតណាម ដែលចេញចូលមកលេងល្បែងសុីសងនៅកាស៊ីណូ777 ក្នុងម្នាក់ៗចាប់ ពី៣០ម៉ឺនដុងទៅ ៥០ ម៉ឺនដុង “លុយវៀតណាម” ក្រោមរូប ភាពបិទភ្នែកបោយដៃបើកភ្លើងខៀវអោយមេខ្យល់នាំជន ជាតិវៀតណាម ជិះទូកវាងច្រកទ្វារព្រំដែនអន្តរជាតិបន្ទាយចក្រី ដើម្បីចេញចូលឆ្លង ដែនមកលេងល្បែងក្នុងកាស៊ីណូ 777 ដោយពុំមានការត្រួតពិនិត្យលើលិខិតស្នាម ឬប៉ាស្ព័រអ្វីឡើយនឹងបើកដៃអោយឈ្មួញវៀត ណាមនាំបន្លែផ្លែឈើ ត្រី សាច់ទំនិញគេចពន្ធ ទំនិញបង់ពន្ធមិនគ្រប់និងទំនិញខុសច្បាប់យ៉ាងពេញបន្ទុក។
ប្រភពពីក្រុមអាជីវករបានអោយដឹងថា ជារៀងរាល់លើកដែលខ្លួនដឹកជញ្ជូនស្រូវយកទៅលក់អោយឈ្មួញវៀតណាម តាមច្រកទ្វារព្រំដែនអន្តរជាតិបន្ទាយចក្រី ស្រុកព្រះ ស្ដេច ខេត្តព្រៃវែង គឺត្រូវបង់លុយអោយមន្ត្រីនគរបាលប្រចាំច្រកទ្វារព្រំដែនអន្តរជាតិបន្ទាយចក្រីចំនួន៣០.០០០មុឺនរៀលជាកំហិតនិងបង់ឱ្យបេនចំនួន ១០.០០០មុឺន រៀល សរុប ១ជើងបង់អស់ ៤០.០០០មុឺន រៀលមិនអាចតវាបាន។
ប្រភពអាជីវករដដែលបានបន្តទៀតថា មិន មែនតែខ្លួនម្នាក់ឯងនោះទេ ដែលត្រូវបង់ លុយឱ្យលោកនាយប៉ុស្តិ៍នគរបាលច្រកទ្វារព្រំដែនអន្តរជាតិបន្ទាយចក្រីនោះ (ពោលគឺ) មានអាជីវករជាច្រើនទៀត ក៏ត្រូវបង់លុយឱ្យលោកនាយប៉ុស្តិ៍នគរបាលច្រកទ្វារព្រំដែនអន្តរជាតិបន្ទាយចក្រី ដូចគ្នារួមទាំងរូបគាត់ផងដែរ!ដោយគ្មាននរណាម្នាក់អាចតវ៉ានិងគេចផុតពីការបង់លុយនោះឡើយ។អាជីវករបន្តថាក្នុង១ថ្ងៃៗមានរថយន្តដឹកស្រូវ រាប់ សិបគ្រឿងបានដឹកជញ្ជូនស្រូវពីបណ្ដាខេត្តនានាដើម្បីយកមកលក់ឱ្យឈ្មួញវៀតណាម នៅច្រកទ្វារព្រំដែនអន្តរជាតិបន្ទាយចក្រីយ៉ាងគគ្រឹកគគ្រេងជាប្រភពចំណូលដ៍ធំរបស់លោកវរសេនីយ៍ឯក ណាំ សុវណ្ណារ៉ា នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិបន្ទាយចក្រីផងដែរ។
ប្រភពពីមន្ត្រីក្រោមឱវាទបានលួចបង្ហើបថា លោកវរសេនីយ៍ឯក ណាំ សុវណ្ណារ៉ា នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិបន្ទាយចក្រីកាន់តំណែងដុះស្លែបានប្រើជនស៊ីវិលឈ្មោះ ណាង ឱ្យដើរប្រមូលសេដ្ឋកិច្ចចូលហោប៉ាវ តាមរយៈលោក យិន ឡងឌី នាយរងប៉ុស្តិ៍នគរបាលច្រកទ្វារព្រំដែនអន្តរជាតិបន្ទាយចក្រីផងដែរ។
ជាក់ស្ដែងរាល់ថ្ងៃជនជាតិវៀតណាម ដែលចូលមកលេងល្បែងសុីសងក្នុងកាស៊ីណូ777 គឺត្រូវបង់លុយឱ្យនគរបាលច្រកទ្វារ ព្រំដែនអន្តរជាតិបន្ទាយចក្រី យ៉ាងទៀងទាត់ ទើបអាចជិះទូកឆ្លងដែន វាងច្រកទ្វារព្រំដែនអន្តរជាតិមក លេងល្បែងដោយសេរីបានគឺត្រូវ បង់លុយឱ្យនគរបាលច្រកទ្វារព្រំដែនអន្តរជាតិបន្ទាយចក្រី ក្នុងម្នាក់ៗចាប់ពី ១០ម៉ឺន ដុងទៅ ២០ម៉ឺនដុងលុយវៀតណាម ។ក្នុងនោះបើជនជាតិវៀតណាម ដែលនៅឆ្ងាយពីព្រំដែន ឬខេត្តផ្សេងៗ ហើយឆ្លងដែនមក លេងល្បែងនៅកាស៊ីណូ777 លើដីខ្មែរ ក្នុង ឃុំបន្ទាយចក្រី ស្រុកព្រះស្ដេច ខេត្តព្រៃវែង។គឺត្រូវបង់លុយអស់ចាប់ពី៣០ម៉ឺនដុងទៅ ៥០ម៉ឺនដុង “លុយ វៀតណាម” សម្រាប់ម្នាក់ ៗទើបពួកគេ អាចជិះទូកចេញចូលឆ្លងដែន ពីវៀតណាម~ កម្ពុជា និងពីកម្ពុជា~ទៅវៀត ណាម ដោយវាងច្រកទ្វារព្រំដែនអន្តរជាតិបន្ទាយចក្រីបានយ៉ាងរលូនរាល់ថ្ងៃ។ ប៉ុន្តែក្នុងនោះមានមេខ្យល់ជាអ្នកដឹកនាំនិងប្រមូល លុយមកប្រគល់ឱ្យលោកនាយប៉ុស្តិ៍ នគរ បាលច្រកទ្វារព្រំដែនអន្តរជាតិបន្ទាយចក្រី ។
អាជីវករអ្នកដើរទិញស្រូវពីកសិករ រួចដឹកជញ្ជូនមកលក់ឱ្យឈ្មួញវៀតណាម នៅច្រកទ្វារព្រំដែនអន្តរជាតិបន្ទាយចក្រី សូមស្នើដល់ អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍ក្រសួងមហាផ្ទៃ រួមនឹងលោក សួន សុម៉ាលីន អភិបាលខេត្តព្រៃវែង នីតិកាលទី៧ មេត្តាចាត់មន្រ្តីជំនាញក្រោមឱវាទចុះស្រាវជ្រាវអោយសុីជម្រៅភាពមិនប្រក្រតីប្រព្រឹត្តរបៀបអំពើពុករលួយរបស់លោកវរសេនីយ៍ឯក ណាំ សុវណ្ណារ៉ា នាយប៉ុស្តិ៍នគរ បាលច្រកទ្វារព្រំដែនអន្តរជាតិបន្ទាយចក្រីនិងបក្សពួក ដែលគាបយកលុយពីរថយន្តក្រុមឈ្មួញដឹកស្រូវចូលប្រទេសទៅលក់នៅវៀតណាមនិងបើកដៃអោយឈ្មួញវៀត ណាមនាំបន្លែ ផ្លែ ឈើ ត្រី សាច់ និងទំនិញគេចពន្ធ ទំនិញបង់ពន្ធមិនគ្រប់នឹងទំនិញខុសច្បាប់ដែលឆ្លងកាត់ច្រកទ្វារព្រំដែនអន្តរ ជាតិមួយនេះដោយសេរីមិនធ្វើការបង្រ្កាប។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោកវរសេនីយ៍ឯក ណាំ សុវណ្ណារ៉ា នាយប៉ុស្តិ៍នគរបាលច្រកទ្វារព្រំដែនអន្តរជាតិបន្ទាយចក្រីនិងបក្សពួក រាល់ម៉ោងធ្វើការ៕មានត
