ខេត្តស្វាយរៀង ៖ តាមសេចក្តីរាយការណ៍ពីប្រជាពលរដ្ឋរស់នៅក្នុងស្រុកចន្ទ្រា ខេត្តស្វាយរៀង បានឲ្យដឹងថា បុគ្គលដែលហ៊ានបើកល្បែងជល់មាន់ និងល្បែងផ្សេងៗទៀតបង្កប់នៅ ក្នុង”កាស៊ីណូ” ប្រហែលមានខ្នងបង្អែករឹងមាំនិងមានឥទ្ធិ ពលនៅពីក្រោយហើយទើបហ៊ានបើកអោយពលរដ្ឋខ្មែរចេញចូលលេងល្បែងសុីសងយ៉ាងគគ្រឹកគគ្រេងដោយរលូនចំណែកអាជ្ញាធរនិងសមត្ថកិច្ចពាពាក់ព័ន្ធនៅច្រកទ្វេភាគីព្រំដែនសំរោងក្នុងស្រុកចន្ទ្រា បានរក្សាភាពស្ងៀមស្ងាត់។
ប្រភពព័ត៌មានពីស្រុកចន្ទ្រា បានបង្ហើបឲ្យដឹងថា លោក សុខ ម៉ក់ មេប៉ុស្តិ៍នគរបាលច្រកទ្វេភាគីព្រំដែនសំរោង និងមន្ត្រីនៅក្នុងមូលដ្ឋាន សម្ងំទទួលផលប្រយោជន៍ខ្លះៗជាថ្ងៃ ជាខែ ពីម្ចាស់ទីតាំង “កាស៊ី ណូ” មួយកន្លែងនេះទើបបើកល្បែងស៊ីសងបានដោយរលូនជល់មាន់ បៀរ អាប៉ោងនិងហ្គេមបាញ់ត្រី អោយក្រុមអ្នកញៀនល្បែងដែលជាពល រដ្ឋខ្មែរនិងជនជាតិវៀតណាមឆ្លងដែនខ្លះមានប៉ាស្ព័រ ខ្លះទៀតមិនមាន ប៉ាស្ព័រសម្រុកចូលទៅលេងល្បែងស៊ីសងក្នុងកាស៊ីណូគ្មានស្លាកយីហោមួយនេះដោយមិនមានអាជ្ញាធរនិងសមត្ថកិច្ចមូលដ្ឋានឬសមត្ថកិច្ចពាក់ព័ន្ធប្រចាំច្រកទ្វេភាគីព្រំដែនមានវិធានការទប់ស្កាត់និងបង្ក្រាបនោះទេ។
មហាជនក៏ដូចប្រជាពលរដ្ឋរស់នៅក្បែរប៉ុស្តិ៍នគរបាលច្រកទ្វេភាគីព្រំដែសំរោង ស្រុកចន្ទ្រារិះគន់ចំៗទៅលើអាជ្ញាធរនិងសមត្ថកិច្ចមូលដ្ឋានថា បើគ្មានការឃុបឃិតគ្នាជាប្រព័ន្ធ ហើយមានខ្នងបង្អែករឹងមាំនោះទេ ម្ចាស់ទីតាំង”កាស៊ីណូ”និងបក្សពួករបស់ខ្លួនមិនអាចសាងភាពល្បីល្បាញខាងបើកល្បែង ស៊ីសងបង្កប់ជល់មាន់ បៀរ អាប៉ោងនិងហ្គេមបាញ់ត្រីនៅ ក្នុងទឹកដី ស្រុកចន្រ្ទា ខេត្តស្វាយរៀង បានឡើយ។
ប្រភពប្រជាពលរដ្ឋដដែល បានឲ្យដឹងថា បុគ្គលដែលបើកល្បែងសុីសងជល់មាន់ បៀរ អាប៉ោង.ហ្គេមបាញ់ត្រី បង្កប់នៅក្នុង”កាស៊ីណូ”កំពុងបើកឲ្យពលរដ្ឋខ្មែរនិងជនអន្តោប្រវេសន៍វៀតណាមឆ្លងដែន ចេញចូលមកលេងអនាធិបតេយ្យ ខ្លះមានប៉ាស្ព័រ និងខ្លះទៀតមិនមានប៉ាស្ព័រ យ៉ាងអនាធិបតេយ្យបំផុត។ហេតុដូច្នេះហើយសូមអាជ្ញាធរនិងសមត្ថកិច្ចមូលដ្ឋានឃុំ ស្រុកចន្ទ្រា គួរត្រួតពិនិត្យឡេីងវិញចំពោះជនអន្តោប្រវេសន៍ វៀតណាមឆ្លងដែនសម្រុកចេញចូលមក លេងល្បែងសុីសងខ្លះមានប៉ាស្ព័រ ខ្លះទៀតមិនមានប៉ាស្ព័រយ៉ាងគគ្រឹក គគ្រេង រីឯ អាជ្ញាធរនិងសមត្ថកិច្ចមូលដ្ឋានពាក់ព័ន្ធ ប្រចាំច្រកទ្វេភាគីព្រំដែនសំរោង បានរក្សាភាពស្ងៀមស្ងាត់។ដែលបញ្ហានេះធ្វើឲ្យប្រជាពលរដ្ឋក្នុងស្រុកចន្ទ្រា មានការព្រួយបារម្ភយ៉ាងខ្លាំងចំពោះ បញ្ហា អសន្តិសុខ សង្គម ក្នុងមូលមូលដ្ឋាន ដូចជា លួច ឆក់ ប្លន់ គាស់ផ្ទះគ្រឿងញៀននិងអំពើហិង្សាគ្រួសារជាដើម ចមកើតចេញពីល្បែងសុីសងនេះឯង ។
ហេតុនេះហើយទើបប្រជាពលរដ្ឋមូលដ្ឋានស្រុកចន្ទ្រា ខេត្តស្វាយរៀង ស្នើដល់លោក នាយឧត្តមសេនីយ៍ ស ថេត អគ្គស្នងការនគរបាលជាតិ និងឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង រួមនិងលោក ប៉េង ពោធិ៍សា អភិបាល ខេត្ត ស្វាយរៀង ជួយចាត់មន្ត្រីជំនាញក្រោមឱវាទចុះទប់ស្កាត់និងបង្រ្កាប ម្ចាស់កាស៊ីណូគ្មានស្លាកយីហោបង្កប់ល្បែងស៊ី សងជល់មាន់ បៀរ អាប៉ោងនិងហ្គេមបាញ់ត្រី នៅក្នុងកាស៊ីណូដែលនៅអមសងខាងប៉ុស្តិ៍នគរ បាលច្រកទ្វេភាគីព្រំដែសំរោងក្នុងស្រុកចន្ទ្រា ខេត្ត ស្វាយរៀង គ្រប់គ្រងដោយ លោក សុខ ម៉ក់ ជាបន្ទាន់ផង ដើម្បីបង្រឹងសន្តិសុខសង្គម៕មានត
