ស្វាយរៀង៖ តាមប្រភពសេចក្តីរាយការណ៍ពីប្រជាពលរដ្ឋរស់ នៅភូមិចេក សង្កាត់ចេក បានអោយដឹងថា ល្បែងសុីសងជល់មាន់និងឡូតូខុសច្បាប់តាមប្រព័ន្ធអនឡាញ នៅផ្ទះលោក យ៉ុង បន្តបើកដំណើរការអោយក្រុម ញៀនល្បែងលេងយ៉ាងគគ្រឹក គគ្រេងដដែល រីឯអាជ្ញាធរនិងសមត្ថកិច្ចមូលដ្ឋាន រក្សាភាពស្ងៀមស្ងាត់! បណ្តោយអោយបុគ្គលម្ចាស់ល្បែងសុីសងមាន់ជល់និងឡូតូខុសច្បាប់បើកអោយក្រុមញៀនល្បែងលេងតាមទំនើងចិត្ត ។
គួរបញ្ជាក់ថាទីតាំងល្បែងសុីសងមួយកន្លែងនេះនៅផ្ទះលោក យ៉ុង ស្ថិតនៅភូមិចេក សង្កាត់ចេក ក្រុងស្វាយរៀង ខេត្តស្វាយរៀងដែលបើកដំណើរការអោយក្រុមញៀនល្បែងលេងទាំងក្មេង ទាំងចាស់ ស្រី ប្រុស ចេញចូលលេងយ៉ាងពេញបន្ទុក រីឯអាជ្ញាធរនិងសមត្ថកិច្ចមូលដ្ឋាន មិនទាន់ឃើញចាត់កម្លាំងចុះទប់ស្កាត់និងបង្រ្កាបអោយមានប្រសិទ្ធភាពស្របតាមគោលនយោបាយ ភូមិ ឃុំ សង្កាត់ មានសុវត្ថិភាពទាំង ៧ ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃ ដើម្បីសន្តិសុខ សុវត្ថិភាពប្រជាពលរដ្ឋនោះទេ? ប្រហែលខ្លាចបាត់បង់ ប្រយោជន៍ទេដឹង?ទើបមិនហ៊ានបង្រ្កាប។
ប្រភពបានបន្តអោយដឹងថា បុគ្គលដែលហ៊ានបើកល្បែងសុីសងជល់មាន់និងឡូតូខុសច្បាប់តាមប្រព័ន្ធអនឡាញមួយនេះនៅ តែបន្តបើកដំណើរការអោយក្រុមញៀនល្បែងលេងយ៉ាងគឃ្លើនដដែលរាល់ថ្ងៃ ? គេមិនទាន់ឃើញអាជ្ញាធរនិងសមត្ថកិច្ចមូល ដ្ឋានចុះធ្វើការទប់ស្កាត់និងបង្រ្កាបនោះទេ!ប្រហែលមានហ៊ុយហយទេដឹង ? ។
មហាជនរិះគន់ដាក់ការសង្ស័យថា អាជ្ញាធរនិងសមត្ថកិច្ចមូលដ្ឋានជាអ្នកបើកភ្លើងខៀវអោយម្ចាស់បនល្បែងសុីសងបើកដំណើរការអោយក្រុមញៀនល្បែងលេងហើយមើលទៅ ? ទើបគ្មានវិធានការទប់ស្កាត់និងបង្រ្កាបនោះ ។ទីតាំងល្បែងជល់មាន់និងឡូតូខុសច្បាប់តាមប្រព័ន្ធអនឡាញ ដែលកំពុងបើកអោយក្រុមញៀនល្បែងលេងយ៉ាងអនាធិបតេយ្យធ្វើអោយប្រជាពលរដ្ឋរស់នៅមូលដ្ឋាននោះមានការព្រួយបារម្ភភ័យខ្លាចបញ្ហាអសន្តិសុខ សង្គម និងអំពើចោរកម្មចោរលួច. ចោរឆក់ ចោរប្លន់. ចោរគាស់ផ្ទះនិងប្រើអំពើហិង្សាគ្រួសារគ្រឿងញៀនជាដើមចមកើតចេញពីល្បែងសុីសងនេះឯង។
ជុំវិញល្បែងសុីសងខាងលើប្រជាពលរដ្ឋក៏ដូចមហាជនលើកឡើងថា គោលនយោ បាយភូមិ.ឃុំ.សង្កាត់. មានសុវត្ថិភាពទាំង៧ ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃ ដើម្បីថ្នាក់ក្រោមជាតិអនុវត្តទប់ស្កាត់និងបង្ក្រាបរាល់ទីតាំងបន ល្បែងស៊ីសងគ្រប់ប្រភេទប្រកបដោយប្រសិទ្ធភាព។
ប្រជាពលរដ្ឋមូលដ្ឋានខាងលើស្នើដល់លោក ប៉េង ពោធិ៍សា អភិបាលខេត្តស្វាយរៀង. លោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀងនិងលោក មេបញ្ជាការកងរាជអាវុធហត្ថខេត្តស្វាយរៀង មេត្តា ជួយចាត់កម្លាំងជំនាញក្រោមឱវាទចុះទប់ស្កាត់និងបង្រ្កាប ទីតាំងល្បែងសុីសងជល់មាន់និងឡូតូខុសច្បាប់តាមប្រព័ន្ធអនឡាញ មួយកន្លែងស្ថិតក្នុងភូមិសាស្ត្រខាងលើអោយមានប្រសិទ្ធភាពផង។
គួររំលឹកផងដែរថា កាលពីថ្ងៃទី ១៨ខែកុម្ភ: ឆ្នាំ២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណា ចក្រកម្ពុជា បន្តវេនបានចេញបទបញ្ជាដល់អភិបាល រាជធានី ខេត្តទាំងអស់នូវទូទាំងប្រទេសត្រួតពិនិត្យជាបន្ទាន់លើទីតាំងបនល្បែងសុីសងគ្រប់ប្រភេទផ្សង សំណាងទាំងអស់គ្មានការ លើកលែង។ ដោយឡែកអាជ្ញាធរនិងសមត្ថកិច្ចមូលដ្ឋាន សង្កាត់ ក្រុង បណ្ដោយអោយមានបនល្បែងសុីសងមាន់ ជល់និងឡូតូខុសច្បាប់តាមប្រព័ន្ធអនឡាញនៅផ្ទះលោក យ៉ុង ស្ថិតនៅភូមិចេក សង្កាត់ ចេក ក្រុងស្វាយរៀង ខេត្តស្វាយរៀង មិនទប់ស្កាត់និងបង្ក្រាបអោយមានប្រសិទ្ធភាពនោះទេ៕មានត
