ភ្នំពេញ ៖ កាលពីថ្ងៃទី០៤ កម្ភៈ ២០១៨ ប្រជាពលរដ្ឋរស់នៅភូមិសាមគ្គីសង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ បានផ្ដល់ព័ត៌មានយើងថា ល្បែងស៊ីសងហ្គេមបាញ់ត្រីកំពុងតែពង្វក់ក្មេងៗ មិនចូលសាលាពពាក់ពពូន ។
ប្រភពបានឲ្យដឹងថា ផ្ទះកំពុងបើកលេងល្បែងស៊ីសងហ្គេមបាញ់ត្រីមានទាំង២កន្លែងនេះ គេសង្ស័យថា មានចរាចរគ្រឿងញៀនទៀតផង ។ សមត្ថកិច្ចខណ្ឌឫស្សីកែវមើលមិនឃើញ ។
ប្រភពប្រជាពលរដ្ឋរស់នៅទីកន្លែងនោះបាននិយាយថា នៅខែមករា ២០១៨ សមត្តកិច្ចខណ្ឌឫស្សីកែវបានធ្វើការចុះបង្ក្រាបនៅទីតាំងទូហ្គេមបាញ់ត្រីជាច្រើនកន្លែង ហើយយកមកធ្វើការដុតកម្ទិចចោល ប៉ុន្តែការចុះបង្ក្រាបរបស់សមត្ថកិច្ចខណ្ឌឫស្សីកែវ ហាក់បីដូចនៅចន្លោះប្រហោង ធ្វើមើលឃើញមជ្ឈដ្ឋានមួយចំនួន មានការងឿងឆ្ងល់ថា ចុះហេតុអ្វីផ្ទះយាយរឹទ្ធបើកលេងល្បែងស៊ីសងខាងលើបានយ៉ាងរលូន ដោយមិនខ្វល់ខ្វាយខ្លាចអាជ្ញាធរនឹងសមត្តកិច្ចសូម្បីតែបន្តិច។
ប្រជាពលរដ្ឋបាននិយាយរៀបរាប់បន្តទៀតថា សព្វថ្ងៃពួកគាត់ពិបាករស់នៅខ្លាំងណាស់ ព្រោះមានអ្នកញៀនល្បែងញៀនថ្នាំទាំងនោះ ស្រែកហ៊ោចញ្ជៀវ ឡូឡានឹងជក់ថ្នាំញៀន ពាស់ពេញតំបន់នោះ ពួកគាត់..គាតបាននិយាយថាកើតមាន ចោរលួច ចោរប្លន់ ចោរឆក់ ថ្នាំញៀននឹងអំពើហឹង្សាក៍កើតចេញដោយសារតែល្បែងស៊ីសងខាងលើដែរ។
តើខាងអាជ្ញាធរនឹងសមត្តកិច្ចខណ្ឌឫស្សីកែវនៅពេលបានដឹងថាទីតាំងខាងលើមានល្បែងស៊ីសងខាងលើមួយនេះ តើពួកគាត់មានចំណាត់ការយ៉ាងណា ឬមួយនៅមើលមិនឃើញតទៅទៀត។
ពលរដ្ឋទាំងអស់នោះធ្វើការសំណូមពរ មកដល់លោកអភិបាលនៃគណៈអភិបាលខណ្ឌឫស្សីកែវ សូមលោកចុះមកត្រួតពិនិត្យ នឹងមានចំណាត់ការក្នុងការបង្ក្រាបនៅទីតាំងល្បែងស៊ីសងនៅផ្ទះឈ្មោះ យាយរឹទ្ធខាងលើផង ពីព្រោះពួកគាត់កំពុងមានការភយ័ខ្លាច ៕
