ភ្នំពេញ៖ប្រភពពីប្រជាពលរដ្ឋដែលជាសាច់ញាតិអ្នកទោសនិងមន្ត្រី បម្រើការនៅគុកព្រៃ.សដែលស្មោះត្រង់នឹងការងារបានទម្លាយរឿងអាស្រូវក្នុងពន្ធនាគារដ៏ធំនេះប្រាប់ឱ្យដឹងថាលោកឆែមសាវុធប្រធាន គុកព្រៃ.សកំពុងយកទីតាំងគុកធ្វើអាជីវកម្មផ្ដាច់មុខប្រមូលលុយយ៉ាង ស្រួលលើទឹកភ្នែករបស់សាច់ញាតិអ្នកទោសនិងពិរុទ្ធជនដែលជាប់ ឃុំឃាំងដោយសារការដាក់លក់ទំនិញខ្លួនឯងថ្លៃៗកប់ពពកនិងហាម មិនឱ្យសាច់ញាតិយករបស់របរម្ហូបអាហារចូលទៅឱ្យបងប្អូនកូនក្មួយ កូនចៅ ញ៉ាំនៅក្នុងគុកនោះទេ។
អារឿងអីវ៉ាន់លក់ថ្លៃក្នុងគុកព្រៃ.សគេឮតៗគ្នាសឹងតែជារឿងធម្មតា ទៅហើយតែថ្នាក់លើអគ្គនាយកដ្ឋានពន្ធនាគារនិងក្រសួងមហាផ្ទៃ មិនគួរមើលរំលងនោះទេព្រោះវាជាទឹកភ្នែកហូររហាមរបស់សាច់ញាតិ អ្នកជាប់ឃុំឃាំងដោយសារថាទិញគ្រឿងហូបចុកនិងគ្រឿងប្រើប្រាស់ ផ្សេងៗថ្លៃទ្វេដងហើយមិនឱ្យទិញពីក្រៅចូលទៀតផងគឺទិញអ្នកលក់ នៅក្នុងគុកព្រៃ.សនេះឯងរីឯអ្នកលក់នៅក្នុងគុកព្រៃសនេះទៀតសោត គឺជាសាច់ញាតិកូនចៅរបស់លោកឆែមសាវុធប្រធានគុកព្រៃ.សនេះឯង។ បើនិយាយងាយយល់ស្រួលស្ដាប់គឺលក់ឱ្យលោកឆែមសាវុធប្រធាន គុកព្រៃ.ស តែម្ដង។ បើថ្នាក់លើមិនជឿសូមដាក់មន្ត្រីសម្ងាត់ចុះទៅស្រាជ្រាវចុះនឹងដឹងច្បាស់ ហើយបានឃើញនឹងភ្នែកទៀតផងកុំឱ្យថាគេហទំព័រយើងមិនចេះតែ និយាយមិនពិតនោះទេ?តាមប្រភពព័ត៌មានពីមន្ត្រីស្មោះត្រង់និងសាច់ ញាតិអ្នកជាប់ឃុំឃាំងក្នុងពន្ធនាគារព្រៃ.សបានឱ្យដឹងថាជាក់ស្ដែងម៉ាត (ផ្សារលក់ទំនិញលក់អីវ៉ាន់គ្រប់មុខមួយកន្លែងក្នុងពន្ធនាគារនេះគឺជា របស់លោកឆែមសាវុធប្រធានគុកព្រៃ.សនេះឯងហើយលក់អីវ៉ាន់ថ្លៃ មួយទ្វេជាពីរឬទ្វេជាបី?នេះហើយជាទឹកភ្នែករបស់សាច់ញាតិអ្នកជាប់ ឃុំឃាំងព្រោះតែគ្នាមានប្រាក់កាសតិចតួចរកទិញរបស់របរអាហារហូប ចុកដើម្បីយកទៅជូនបងប្អូនកូនចៅដែលជាប់ឃុំឃាំងបែរជាពុំមានលទ្ធ ភាពទៅវិញព្រោះតែអីវ៉ាន់ក្នុងគុកដែលជារបស់លោកឆែមសាវុធប្រធាន គុកព្រៃ.ស លក់ថ្លៃៗកប់ពពក និងផ្ដាច់មុខតែម្ដង។
ប្រភពពីសាច់ញាតិអ្នកទោសភាគច្រើនដែលគ្នាក្រីក្របានប្រាប់ថាដោយ សារទំនិញក្នុងគុកផ្ដាច់មុខរបស់លោកឆែមសាវុធប្រធានគុកព្រៃ.សលក់ ថ្លៃៗពេកពួកគាត់ត្រូវចងការប្រាក់គេ(ខ្ចីបុលគេដើម្បីមានលទ្ធភាពទិញ អីវ៉ាន់ទំនិញផ្សេងៗជូនបងប្អូនកូនចៅកូនក្មួយដែលជាប់ឃុំដូច្នេះពួកគាត់ កាន់តែវណ្ឌ.កទៀតហើយក្រស្រាប់ទៀតនោះហើយត្រូវគេស៊ីពីលើមួយ ជាន់ទៀតដូច្នេះធ្វើឱ្យពួកគាត់រឹតតែក្រថែមទៀតគឺលោកឆែមសាវុធប្រធាន គុកព្រៃ.ស ធ្វើឱ្យពួកគាត់ក្រត្រួតលើក្រ។
គេនិយាយចំៗថាទំនិញថ្លៃៗដែលលោកឆែមសាវុធប្រធានគុកព្រៃ.សស៊ី ក្នុងតម្លៃមួយទ្វេជាពីរឬជាបីនោះក្រៅពីអីវ៉ាន់នៅក្នុងម៉ាតនៅមានអីវ៉ាន់សំ ខាន់ៗជាច្រើនទៀត ដូចជា ខោខ្លី , អង្ករ,មី, ទឹក ក្រូច ជាពិ សេសថ្មីៗនេះលោកឆែមសាវុធប្រធានគុកព្រៃ.សកំពុងរៀបចំបង្កើតឡនំ ប៉័ងមួយទៀតនៅក្នុងគុកនេះតែម្ដងងាយស្រួលលក់នំប៉័ងផ្ដាច់មុខទៅឱ្យ សាច់ញាតិអ្នកជាប់ឃុំឃាំងចៀសវាងទិញនាំចូលពីខាងក្រៅនាំឲ្យខាតបង់ ចំណូលរបស់ខ្លួន?នេះសបញ្ជាក់ឱ្យឃើញថាលោកឆែមសាវុធប្រធានគុក ព្រៃ.សគិតគូរពីសេដ្ឋកិច្ចផ្ទាល់ខ្លួនយ៉ាងលម្អិតមិនឱ្យបែកខ្ចាយទៅអ្នកណា ឡើយគឺប្រៀបដូចគេនេសាទប្រើមងក្រឡាល្អិតឬស្បៃមុងយ៉ាងដូច្នោះដែរ រឿងនេះមិនធម្មតាទេ?គឺធ្វើឱ្យសាច់ញាតិអ្នកជាប់ឃុំទឹកភ្នែកទឹកសំបោរ ដោយសារតែទំនិញគ្រប់យ៉ាងរបស់លោកឆែមសាវុធប្រធានគុកព្រៃ.ស លក់ថ្លៃៗកប់ពពកនិងមិនអនុញ្ញាតឱ្យទិញពីខាងក្រៅនាំយកចូលទៅឱ្យ អ្នកជាប់ឃុំបានឡើយ។ពាក់ព័ន្ធរងនូវការរិះគន់ខាងលើគេហទំព័រ(www.enn-tv.com)យើងមិនអាចសុំការពន្យល់បកស្រាយពីលោក ឆែម សាវុធ ប្រធានគុកព្រៃសបាននោះទេ៕
