ព្រះសីហនុ៖ថ្មីៗនេះប្រភពពីក្រុមឈ្មួញដែលនាំចូលទំនិញ តាមទូក តាមកប៉ាល់មួយចំនួនមកឡើងនៅច្រកកំពង់ផែ ទំនប់រលកបានបង្ហើឲ្យដឹងថា បច្ចុប្បន្ន លោក ផាត់ សំណាង និងលោក ណុប សំអាន មេ គយច្រកទំនប់រលក កំពុងតែប្រើអំណាច គៀបយកលុយពីក្រុមឈ្មួញពួកគាត់កាន់តែច្រើនឡើងៗ ហើយលោក ផាត់ សំណាង មានតួនាទី ជាអនុប្រធានការិយាល័យ ក៏ពិតមែន តែលោកមានអំណាច ក្ដាប់ ណែនពេញដៃ ក្នុងការឃុបឃិត បើកភ្លើងខៀវ ឲ្យឈ្មួញធំៗ នាំចូលទំនិញគេចពន្ធទំនិញបង់ពន្ធមិនគ្រប់ ជាពិសេសទំនិញក្លែងភេទខុសច្បាប់ ដោយមិនបាន ធ្វើការត្រួតពិនិត្យ ឲ្យស្របតាម គោលការណ៍ ប្រមូលពន្ធចូលរដ្ឋរបស់ថ្នាក់លើនោះទេបែជាឃុបឃិតប្រព្រឹត្តរបៀបពុករលួយទៅវិញ។
ប្រភពបានឲ្យដឹងទៀតថា លោក ផាត់ សំណាង និងលោក ណុប សំអាន បានបង្ខំឲ្យពួកគាត់បង់លុយក្រៅផ្លូវការ ឬ រាប់ក្បាលរថយន្តដឹកជញ្ជូនទំនិញពីផែទំនប់រលកយកលុយដោយគ្មានវិក្កយបត្រនោះទេ។
ហើយរាល់ទំនិញគេចពន្ធ ឬ ទំនិញ បង់ពន្ធមិនគ្រប់ ដែលឈ្មួញ សម្រុកនាំចូលតាមច្រក ទំនប់រលកមានដូចជាស្ករសទំនិញចាប់ហួយ ស្រាបៀរសំបកកង់រថយន្ត ដែក ស៊ីម៉ងត៍ គ្រឿងសំណង់គ្រឿងបន្លាស់រថយន្តគ្រឿងអេឡិចត្រូនិក ព្រមទាំង ប្រេងសាំង ផងដែរ។
ហើយ ទំនិញ ដែលនាំចូល តាមច្រកផែទំនប់រលកនេះបង់ពន្ធត្រឹមតែ៣០-៤០%ភាគរយ
ប៉ុណ្ណុះក្រៅពីនោះប្រភពបានបង្ហើបថា លោក ផាត់ សំណាង ជួយគៃបន្លំពន្ធ ដូចជាការបង់ពន្ធ ដោយក្លែងភេទទំនិញ ឬ បង្វែរទៅបង់ថ្លៃបាយ ជាដើមវិញ។
ប្រភពដដែលបានបង្ហើបថា ទំនិញបង់ពន្ធប្រហែល ៣០ទៅ៤០%ភាគរយកំពុងហូរចូលតាមច្រកផែទំនប់រលក នៃខេត្តព្រះសីហនុ។
ប្រភពខ្លះបានឲ្យថាដោយសារមានការសម្របសម្រួលមពីន្រ្តីគយមួយចំនួនរបៀបពុករលួយគៃបំបាត់ចំណូលពន្ធ។ប្រភពដដែលបង្ហើបថាលោកប្រធាននិងលោក អនុប្រធានគយនិងរដ្ឋាករទំនប់រលកដែលជាអ្នក ចាត់ចែង ប្រមូលផលប្រយោជន៍ពីអំពើគៃ បន្លំ គេចពន្ធ យកទៅដាក់ហោប៉ៅ ធ្វើមានធ្វើបាន ផ្ទាល់ខ្លួន។
ខ្លាំងជាងនេះទៀតនោះគឺលោក ណុប សំអាន ដែល មេការិយាល័យគយនិងរដ្ឋាករច្រកទ្វារកំពង់ផែទំនប់រលកតែម្តង រីឯលោក ផាត់ សំណាង ជាអនុប្រធាន ការិយាល័យគយនិងរដ្ឋាករផែទំនប់រលកទទួលផ្នែក ត្រួតពិនិត្យ។
ឈ្មួញធំៗទាំងនោះមានឈ្មោះដូចជា៖ឈ្មោះ តាធី.ឈ្មោះចែរ៉ា.ឈ្មោះចែរី.ឈ្មោះណុប.ឈ្មោះកូ. ឈ្មោះសុខុម.និងឈ្មោះ ហួត.ជាដើមហើយឈ្មួញទាំងអស់នេះគឺជាឈ្មួញ ជើងចាស់យូរឆ្នាំមកហើយ។
ចំពោះលោក ហាក់ ម៉ៅ ក៏បានក្លាយជា អ្នកម៉ៅការ កាងដឹកទំនិញគេចពន្ធនិងទំនិញបង់ពន្ធមិនគ្រប់ទំនិញក្លែងភេទ ប្រចាំច្រក ផែទំនប់រលក យ៉ាងភ្លូកទឹកភ្លូកដីផងដែរដោយគ្មាននរណា ហ៊ានប៉ះពាល់ ម្តងណាឡើយ។
ចំណែកលោក ផាត់ សំណាង បានតម្រូវឲ្យឈ្មួញ បង់លុយក្បាលរថយន្តក្នុងមួយគ្រឿង ពី៣០០ទៅ៥០០ដុល្លារ តាមតែទំនើងចិត្ត ហើយករណីអោយមានការ បង់លុយក្រោម តុ ក្នុងមួយឯកសារយ៉ាងតិចមិនក្រោមពី ៧០ដុល្លារ ឬ១០០ដុល្លារនោះទេទៅអោយក្រុមរបស់ខ្លួនជាអ្នកកាន់ការឃ្លាឯកសារ ដោយគ្មានឈ្មួញណាអាចហ៊ានតវ៉ាជាមួយក្រុមគាត់បានឡើយ ដោយដោះសារថាជានិតិវិធីថ្មីរបស់គយ។
ប្រភពបានឲ្យដឹងទៀតថា ទំនិញខុសច្បាប់ និងបង់ពន្ធត្រឹម៣០% ៤០%កំពុងហូរចូល តាមច្រកផែទំនប់រលកនៃខេត្តព្រះសីហនុដោយសារមានការសម្របសម្រួលគៃបំបាត់ចំណូលពន្ធរដ្ឋពីសំណាក់លោកប្រធាននិងលោកអនុប្រធានគយនិងរដ្ឋាករផែទំនប់រលកដែលជាអ្នកចាត់ចែងប្រមូលផលប្រយោជន៍ពីអំពើលួចគៃបំបាត់ពន្ធយកទៅច្រកដាក់ហោប៉ៅធ្វើមានធ្វើបាន រាងៗខ្លួនធ្វើឲ្យរដ្ឋខាតបង់ថវិការាប់សែនលានដុល្លាក្នុងមួយឆ្នាំៗ។
ពាក់ព័ន្ធរឿងមិនប្រក្រតីខាងគេហទំព័រ(www.enn-tv.com)យើងខ្ញុំរងចាំពន្យល់បកស្រាយពីលោកប្រធាននិងលោកអនុប្រធានការិយាល័យ
ផែទំនប់រលករាងរាល់ពេលម៉ោងធ្វើការ ៕
