បន្ទាយមានជ័យ៖ថ្មីៗនេះប្រភពពីមន្រ្តីគយតូចតាចនៅច្រកទ្វារអន្តរជាតិ ប៉ោយប៉ែត មួយចំនួនបានបង្ហើបឲ្យដឹងថា ក្រោយពេលទទួលបានតំណែង ជា ប្រធាន ការិយាល័យគយច្រកទ្វារអន្តរជាតិប៉ោយប៉ែត រួចមកគឺលោក ងួន កុសល កំពុង អនុវត្តន៍ តាម ផ្លូវចាស់ របស់ លោក ហ៊ុយ សុជាតិ អតីត មេគយច្រក ប៉ោយប៉ែតនេះ យ៉ាងស្ទាត់ជំនាញ។
ប្រភពពី មន្ត្រីដែលអត់លិឍ នៅច្រកប៉ោយ ប៉ែត បានបង្ហើបឲ្យដឹង ទៀត ថាលោក ងួន កុសល បានឃុបឃិតជា មួយសមត្ថកិច្ចពាក់ព័ន្ធ ដទៃទៀត បើកដៃឲ្យឈ្មួញធំៗ នាំចូលទំនិញ គេចពន្ធ ទំនិញបង់ពន្ធមិនគ្រប់និង ទំនិញខុសច្បាប់យ៉ាងរាលដាលដើម្បីជាថ្នូរនឹងផលប្រយោជន៍។
ប្រភពបង្ហើបថា លោក ងួន កុសល និង បក្ខពួកគៀបសង្កត់ទៅ លើឈ្មួញ និងអាជីវករ តូចតាច ដែលនាំចូល ទំនិញតាម រទេះ តាមរថយន្តតូចៗ និងតាមរ៉ឺម៉ក ដោយគ្មាន ការយោគ យល់ឡើយ។
ប្រភពដែលស្និទ្ធនឹងលោក ងួន កុសល បានបង្ហើបឲ្យដឹងថា ការដែល លោក ងួន កុសល ហ៊ាន ធ្វើអ្វីៗស្រេចតែអំពើ ចិត្តរបស់ ខ្លួន គឺដោយសារ អាងមានខ្នង បង្អែក រឹងមាំ នៅ ក្នុងអគ្គនាយកដ្ឋានគយនិងរដ្ឋាករកម្ពុជា។ប្រភពបន្តថាថ្មីៗនេះលោក ងួន កុសល តែងប្រើប្រាស់ ឈ្មោះមន្ត្រីគយធំៗក្នុង អគ្គនាយកនៃអគ្គដ្ឋានគយនិងរដ្ឋាករកម្ពុជា ដើម្បី ការពារទង្វើរបស់ខ្លួន យ៉ាង គឃ្លើនតែម្តង ហើយមានការឃុប ឃិតបើកដៃពីលោកមេគយធំៗនៅក្នុងខេត្ត បន្ទាយ មានជ័យ ផងដែរទើបអ្វីៗអាចប្រព្រឹត្តទៅដោយរលូនទៅបាន។
ក្នុងតួនាទីជាប្រធានការិយាល័យគយច្រកទ្វារ អន្តរជាតិប៉ោយប៉ែត ត្រឹមមួយរយៈពេលខ្លី គឺលោក ងួន កុសល កំពុងបង្ហាញស្នា ដៃប្រព្រឹត្តរបៀបពុករលួយតាមច្រើនរូបភាពដោយគ្មានញញើតអ្វីទាំងអស់ ព្រោះអាងមានខ្នងបង្អែករឹងមាំ នៅពី ក្រោយ។
ពាក់ព័ន្ធរឿងមិនប្រក្រតីរបស់លោក ងួន កុសល ត្រូវបានមហាជនរិះគន់បើកកកាយប៉ុន្តែមេគយធំៗក្នុងខេត្តបន្ទាយមានជ័យ ក៏ ដូចជាលោកអគ្គនាយកនៃអគ្គនាយកដ្ឋានគយនិងរដ្ឋាករកម្ពុជា បែរជារក្សាភាពស្ងៀមស្ងាត់ទៅវិញ។
ដូច្នេះហើយទើប លោក ងួន កុសល ហ៊ាន ប្រើតួនាទីជា ប្រធាន ការិយា
ល័យគយច្រកទ្វារអន្តរ ជាតិប៉ោយប៉ែត ដើម្បីសាងភាពល្បីល្បាញប្រព្រឹត្តរបៀប ពុករលួយ យ៉ាងឆាប់រហ័សដោយគ្មានញញើត អ្វីទាំងអស់។
ប្រភពដែលស្និទ្ធនឹងលោក ងួន កុសល បានបង្ហើបថា ការដែល លោក ងួន កុស ល ហ៊ានធ្វើអ្វីៗស្រេចតែអំពើចិត្តគឺដោយសារអាងមានខ្នងបង្អែករឹងមាំនៅក្នុងអគ្គនាយកនៃអគ្គនាយកដ្ឋានគយនិងរដ្ឋាករកម្ពុជា។
ប្រភពថ្មីៗនេះថា លោក ងួន កុសល តែងប្រើប្រាស់ឈ្មោះមន្ត្រីគយធំៗក្នុងអគ្គនាយកដ្ឋានគយនិងរដ្ឋាករកម្ពុជា ដើម្បីការពារទង្វើរបស់ខ្លួនតែម្តង ហើយមានការឃុបឃិតបើកដៃពីសំណាក់មេគយធំៗនៅក្នុងខេត្តបន្ទាយមានជ័យ ផងដែរទើបអ្វីៗអាចប្រព្រឹត្តទៅដោយរលូន។
ដូច្នេះហើយទើបមានសេចក្ដីអំពាវនាវឲ្យលោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ គួរពិនិត្យទៅលើ លោក ងួន កុសល ប្រធាន ការិយាល័ យគយច្រកទ្វារអន្តរជាតិប៉ោយប៉ែតនិងបក្ខពួកឃុបឃិតប្រព្រឹត្តពុករលួយ នេះខ្លះផងដើម្បីកុំឲ្យមន្ត្រីរូបនេះធ្វើអ្វីៗតាមអំពើចិត្ត។
បើតាមសេចក្ដីប្រភពរាយការណ៍ពីមន្ត្រីនៅច្រកទ្វារអន្តរជាតិប៉ោយប៉ែត បានឲ្យដឹងថា ដោយសារអាងមានខ្នងបង្អែករឹងមាំទើប លោក ងួន កុសល និងបក្ខពួកចាប់ផ្ដើមប្រព្រឹត្តរបៀបពុករលួយចាប់តាំងពីអំឡុងចុងខែមករា ឆ្នាំ២០១៩ រហូតមក។
ដូច្នេះហើយ លោក អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា មិនគួរមើលរំលងបញ្ហានេះទេ ព្រោះលោក ងួន កុសល តែងប្រើប្រាស់ឈ្មោះមេគយធំៗក្នុងអគ្គនាយកដ្ឋានគយនិងរដ្ឋាករកម្ពុជា ដើម្បីការពារទង្វើរបស់ខ្លួន។
ពាក់ព័ន្ធរឿងមិនប្រក្រតីរបៀបពុករលួយខាងលើនេះលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ ក៏គួរបើកការស៊ើបអង្កេតឲ្យបានស៊ីជម្រៅទៅលើរឿងមិនប្រក្រតី លោក ងួន កុសលប្រធានការិយាល័យគយនិងរដ្ឋាករច្រកទ្វារអន្តរជាតិប៉ោយប៉ែតនិងបក្ខពួកផងទាន!។
ពាក់ព័ន្ធរងនូវការ
រិះគន់ ខាងលើ គេហទំព័រ (www.enn-tv.com) យើងខ្ញុំរងចាំពន្យល់បក ស្រាយពី លោក ងួន កុស ល ប្រធានការិយា ល័យគយនិងរដ្ឋករច្រកទ្វារអន្តរ ជាតិ ប៉ោយប៉ែត និង បក្ខ ពួក ឬ សមត្ថកិច្ច មន្រ្តីជំនាញ ពាក់ពន្ធ័ រាល់ម៉ោងធ្វើការ៕
