លោក ឈុន សុភមង្គល ប្រធាន​ សាខា​គយ និង​រដ្ឋាករ ខេត្តឧត្តរ មានជ័យ រងនូវការិះគន់ឃុបឃិតបើក​ដៃ​ឲ្យ​ឈ្មួញ​នាំ ចូល​ទំនិញ​គេចពន្ធនិងទំនិញបង់ពន្ធមិនគ្រប់មកពី​ប្រទេសថៃ.!

ខេត្តឧត្ដរមានជ័យ :ថ្មីៗនេះ លោក ឈុន សុភមង្គល ប្រធាន​​ សាខា​គយ និង​រដ្ឋាករ​ ខេត្តឧត្ដរ​មាន​ជ័យ ដែល​ទើប​ នឹង ឡើង​កាន់​ដំណែងថ្មី បាននឹងកំពុង
រងនូវការិះគន់ ឃុបឃិត​បើកដៃអោយ ក្រុមឈ្មួញ​នាំចូល​ទំនិញគេចពន្ធ និងទំនិញបង់ ពន្ធ​មិនគ្រប់ ដែលជាថ្នូរ នឹងការប្រមូលលុយដាក់ហោប៉ៅរបស់ខ្លួនប៉ុណ្ណោះ។

ប្រភពបង្ហើបថា បច្ចុប្បន្ន​ទំនិញ​ដែល​ ឈ្មួញ ​នាំចូល​តាម​ច្រក​ជាំ ស្រុក​អន្លង់វែង តាមច្រក​ អូរ​ស្មាច់ ក្រុង​សំរោង និងតាម ច្រក​ជប់​គគីរ ស្រុក​បន្ទាយ​ អំ​ពិល ខេត្តឧត្ដរមានជ័យ រាល់ទំនិញដែល ឈ្មួញ​នាំចូលមកកម្ពុជា ដែលសុទ្ធ សឹង តែមិនបាន បង់ពន្ធចូលរដ្ឋអោយបានគ្រប់មុខទំនិញ ដែលជាហេតុ ធ្វើអោយប៉ះពាល់ដល់ចំណូលថវិការរបស់រដ្ឋ។

ក្រៅពី នេះ ក្រុម​ឈ្មួញ​បានចែក​រំលែកលុយ ដែលមិនបង់ពន្ធទុកអោយ លោក ឈុន សុភមង្គល ប្រធាន​សាខាគយ និងរដ្ឋាករ ខេត្តឧត្ដរមានជ័យ បានបើកឲ្យរាល់រថយន្តដឹកទំនិញធំៗ អាចឆ្លងកាត់តាមច្រកព្រំ ដែនបានដោយសេរី។
តាមសេចក្ដីប្រភព រាយការ ណ៍ បានឲ្យដឹងថា ក្រោយពីលោក ឈុន សុភមង្គល ដែលទើបតែផ្លាស់មកកាន់ជាប្រធាន​ សាខាគយ និងរដ្ឋាករ ខេត្តឧត្ដរមានជ័យ បានឃុបឃិត​ ជាមួយប្រធានស្នាក់ការគយ និងរដ្ឋាករ ប្រចាំច្រក អន្តរជាតិជាំ ច្រកអន្តរជាតិអូរស្មាច់ និងច្រក ជប់គគីរ បាននឹងកំពុងបើកដៃ អោយក្រុម ឈ្មួញ​នាំចូល​ ទំនិញ គេច ពន្ធ ទំនិញ​បង់ពន្ធ​មិន​គ្រប់ និង​ទំនិញ​ខុសច្បាប់ ដោយគៀបសង្កត់ លើក្រុុម អាជី វករដែល រកស៊ី តូចតាច ទៅវិញ។

តាមប្រភពពីប្រជាពលរដ្ឋរស់ នៅក្បែរច្រកទ្វារអន្តរ ជាតិអូរស្មាច់ សង្កាត់អូរស្មាច់ ក្រុងសំរោង ខេត្តឧត្តរមានជ័យ បានឲ្យដឹងថា បច្ចុប្បន្ន ឈ្មួញមួយ ចំនួនអាចនាំ ចូលជ្រូករស់ និងមាន់រស់ យ៉ាងពេញ បន្ទុកតាម ច្រកព្រំដែន ដោយសារ មាន ការបើកដៃឃុបឃិតជាមួយ សមត្ថកិច្ចជំនាញពាក់ព័ន្ធរបៀបពុករលួយ។

ក្រុមអាជីវករ និងប្រជាពលរដ្ឋដែលនាំ ចូលមាន់រស់ពី ទឹកដីថៃ ឆ្លងកាត់ច្រកព្រំដែន បានត្អូញត្អែរថា មុខរបររបស់ពួកគាត់ ផលចំណេញតិច តួចបំផុត ដោយសារតែ មន្ត្រីគយ នៅតាមច្រកព្រំដែន តម្រូវអោយបង់លុយ ច្រើន និងបង់អោយសមត្ថកិច្ចជាច្រើនស្ថាប័នទៀតផងដែរ។

ដោយចំពោះបញ្ហានេះប្រជាពលរដ្ឋ និងអាជីវករ​បានធ្វើការអំពាវនាវដល់ លោក អូន ព័ន្ធមុនីរ័ត្ន ឧបនាយក រដ្ឋមន្រ្តី រដ្ឋមន្ត្រីក្រសួង​សេដ្ឋកិច្ច​និង​ហិរញ្ញវត្ថុ និងលោក គុណ ញឹម អគ្គនាយក​នៃ​អគ្គនាយកដ្ឋាន​គយ និង​រដ្ឋាករ កម្ពុជាឲ្យចុះពិនិត្យនិងចាត់វិធានការទប់ស្កាត់និងបង្រ្កាបទៅលើមន្រ្តីគយមួយចំនួនប្រព្រឹត្តរបៀបពុករលួយ។

ប្រភពខ្លះបន្តថា លោក ឈុន សុភមង្គ ល ប្រធាន​ សាខាគយនិងរដ្ឋាករ ខេត្តឧត្ដរមានជ័យ និង ប្រធាន ស្នាក់ការគយ និងរដ្ឋាករ ប្រចាំច្រកព្រំ
ដែនទាំងបីក្នុង ខេត្តឧត្តរមានជ័យ ផងទាន?កុំឲ្យមានការរិះគន់ពីប្រជាពលរដ្ឋដល់ស្ថាប័របស់ខ្លួន។

ពាក់ព័ន្ធនូវបញ្ហាការរិះគន់ខាងលើគេហទំព័រ(www.enn-tv.com)យើងខ្ញុំរងចាំពន្យល់បកស្រាយពី លោកឈុន សុភមង្គល ប្រធានសាខាគយ និង រដ្ឋាករខេត្តឧត្តរមានជ័យ និងបក្ខពួកសមត្ថកិច្ចជំនាញពាក់ព័ន្ធរាល់ម៉ោងធ្វើការ៕